Heslihnetu mousse

Í dag ætlaði ég að gera skotheldar heslihnetukökur. Þegar ég svo opnaði ofninn eftir nokkrar mínútur varð allt í reik, kökunar að mestu brunnar og orðin ein flöt klessa. Eins og það væri ekki nóg, þá fór Securitas reykskynjarinn í gang og jáhh bæði þjófavarnakerfið og extra háværi reykskynjarinn vældu. Ég var nálægt því að verða heyrnalaus. Ég byrjaði að skafa kökumylsnunar upp og troða upp í mig og bragðið var bara ekki sem verst, semsagt það sem var ekki brunarústir. Kona deyr ekki ráðalaus og ákvað því bara að útbúa heslihnetu mousse og jáhh, það heppnaðist ótrúlega vel :)

Nýjar fréttir eru annars þær að ég er nýjasti bloggari hjá MS-Gott í matinn og munu birtast LKL vænar uppskriftir mánaðarlega.

Einnig verður viðtal við mig í Fréttablaðinu á föstudaginn. 

Dóttir mín var svo ánægð þegar hún sá að ljósmyndarinn væri komin og hún heima. Var ekki lengi að henda á sig skykkju og kórónu og taka sér sæti við hlið mömmu sinnar.

Heslihnetu mousse fyrir 4

Heslihnetukurl

30g smjör, við stofuhita

100g heslihnetumjöl

3msk sukrin gold

Setjið heslihnetur í matvinnsluvél eða blandara og myljið niður í mjöl.

Setjið allt hráefnið í skál og blandið vel saman. 

Dreifið á bökunarpappír og setjið í ofn sem er 180 gráðu heitur og bakið í 5-7 mínútur eða þar til gyllt. Fylgist vel með svo ekki brenni.

Látið kólna og myljið niður og geymið í skál.

Mousse

50g sykurlaust súkkulaði hreint

50g sykurlaust súkkulaði með heslihnetum

(má líka vera 100g hreint súkkulaði)

1 eggjarauða

2msk sukrin plús

4 dropar Via-Health súkkulaði stevía (má sleppa)

200ml rjómi

2 matarlímsblöð

Setjið matarlímsblöðin í skál með vatni og látið liggja þar til orðið lint.

Setjið súkkulaðið og rjóma í pott og bræðið við vægan hita.

Bætið við stevíu, sukrin plús og eggjarauðu í pottinn og hrærið vel.

Takið matarlímin og kreystið afgangsvökva úr og setjið í pottinn. Hrærið þar alveg uppleyst.

Setjið heslihnetukurl í 4 desert skálar. Skiljið smá eftir fyrir skraut. Skiptið svo súkkulaði blöndunni á milli skálana og setjið í kæli ca klukkutíma. Þeytið rjóma og setjið smá rjóma yfir hvert glas ásamt hnetukurli.

Geymið í kæli.

Súkkulaði með heslihnetum

Oj. Eina sem ég get sagt um þetta veður er oj.

Nálgast hádegi og ég er enn í náttkjólnum og sloppnum og held bara að ég ætla ekki að fara úr því í dag. Dóttirin er líka í sínum náttkjól, en það er kannski því þetta er Frozen náttkjóll og er notaður 24/7. Ég ætla ekki að ljúga, ég vildi óska að jólatréð væri hér inni stofu með fallegu jólaljósunum sínum og ég að hlusta á Michael Buble.

En ég læt jólaljósin í glugganum nægja. Já ég er búin að kveikja á jólaseríu í stofuglugganum. Ég tek þau aldrei niður, er of löt til þess og leið og fer að dimma er kveikt á þeim til að fá fallega birtu á kvöldin.

En þar sem ég er ekki með jólatré og ætla ekki alveg að fara hlusta á jólalög ætla ég að kveikja á kertum, hlusta á góða tóna, lesa bók og narta í smá konfekt.

Þetta er yndislegt konfekt. Eins og vinkona mín sagði í gær, þetta smakkast eins og jól.

Það er mjög gott að eiga þessa í kælinum. Það þarf ekkert samviskubit þegar maður fær sér svona mola. Ekkert nema holl fita sem við þurfum öll á að halda.

Þetta er líka fljótlega útbúið. Ég útbjó þetta með syni mínum, hann hjálpaði mér að búa til uppskriftina og sá svo um að sulla þessu öllu saman :)

Eigum við eitthvað að ræða þetta fallega krullaða rauða hár!!??

Súkkulaði með heslihnetum

100ml kókosolía brædd 

40g sukrin melis 

30g ósykrað kakó

6 dropar via-health súkkulaði stevía

50g heslihnetur

Heslihnetur settar á bökunarpappír og inn í 175 gráða heitan ofn í 5-7 mínútur. Passa að þær brenni ekki. Látið kólna og setjið í viskustykki og nuddið þær á milli viskustykkisins svo hýðið detti af. Saxið hneturnar.

Setjið kókosolíu í pott (getið verið með bragðlausa kókosolíu eða venjulega) og hitið varlega.

Sigtið sukrin melis og kakó út í kókosolíuna og blandið vel saman. Bætið við stevíu og heslihnetum.

Setjið í konfektform eða lítil muffinsform og inn í kæli. Geymið í kæli þar sem kókosolían bráðnar við stofuhita.

Sítrónukaka

Namm!

Ég hef ekki annað orð yfir þessa köku nema namm!

Í vor prófaði ég í fyrsta sinn að nota baunir í bakstur. Þeir sem þekkja mig vita að ég er ekki baunakona, borða ekki baunir og hvað þá að baka með þeim, neibb það er ekki ég. En ég ákvað að prófa þegar ég var að búa til uppskriftir fyrir bókina mína og það heppnaðist undantekningalaust vel að nota baunir. Ég veit að þetta hljómar ekki vel en trúið mér, baksturinn verður margfalt betri. Það gæti leynst örlítið baunabragð strax eftir bakstur (finn það ekki sjálf né aðrir á heimilinu) en það hverfur þá eftir nokkra klt.

Ég hef lært að segja ekki börnum mínum hvað baksturinn eða maturinn inniheldur fyrr en þau eru búin að smakka því oft er sagt ojj og smakkið þá út frá því. Þegar þau smökkuðu fyrstu baunakökuna mína var hún kláruð á 30 mínútum og þau átu á sig gat. Þið hefðuð átt að sjá svipinn á þeim þegar mamman sýndi þeim að hún notaði baunir í baksturinn. Í dag eru þau spennt þegar þau sjá mig taka fram baunakrukkuna því það þýðir að mamma ætlar að baka eitthvað hrikalega gott.

Þar sem ég átti sítrónu langaði mig ógurlega mikið í sítrónuköku.

Sítrónukaka

240g (ein krukka) hvítar baunir frá Himnesk Hollusta

100g mjúkt smjör

100g sukrin

4msk kókoshveiti

2msk möndlumjöl

50g hreint jógúrt

80ml sítrónusafi

börkur utan af einni sítrónu

1 tsk vínsteinslyftiduft eða venjulegt lyftiduft ef þolir glúten

4 egg

1msk vanillu extract eða vanilludropar

6 dropar Via-health sítrónudropar

Skolið baunirnar og setjið í blandara eða matvinnsluvél ásamt öllu hráefni og blandið þar til deigið er án kekkja. Setjið í silikon brauðform og bakið á 170 gráður í 45-50 mínútur eða þegar tannstöngull kemur hreinn upp úr miðju.

Súkkulaði mjólk

Ég er mjólkurfíkill. Ætli mjólkurfíkninn hafi ekki komið þegar ég var þunguð af elsta barninu. Ég vaknaði um miðjar nætur og þambaði mjólk beint úr fernunni. Það var ekki ein ferna eða tvær heldur nokkrar. Og þegar barnsfaðir minn vaknaði um morguninn þá var búið að raða fallega tómum mjólkurfernum á eldhúsborðið. Mjólkur löngunin var ekki bara á næturnar. Í skólanum átti ég það til að hlaupa eins og vindurinn í sjoppuna og kaupa mér litla mjólkurfernu og stúta henni á núll einni. Eða svo segja vinkonur mínar.

Ekki má gleyma piparkökur og íssköld mjólk eða bara köld mjólk með hvaða smákökum sem er! 

Ohhh það er himnaríki sú samsetning. En ég hef verið dugleg að láta mjólkina vera og hún er meira svona spari spari. En svo gerist stundum að maður sullar hinu og þessu saman í eldhúsinu að búa eitthvað til og í dag varð það mjólk og svo var sullað meira og súkkulaðimjólk varð til.

Súkkulaði mjólk

450ml möndlumjólk

80ml rjómi

1msk ósykrað kakó

10-15g sukrin (smakkið til)

2-3 dropar af Via-Health súkkulaði stevíu

Setjið í hristara og setjið lokið á. Hristið vel þar til blandað og smakkið. Setjið frekar minna af sætu en meira til að byrja með og smakkið til. Hellið í tvö glös eða bara eitt stórt glas.

Núggat ís

Það er pínu fyndið þegar ég fæ hugmyndir. Stundum koma þær í draumi um miðja nótt og þá vakna ég og þarf að skrifa hugmyndina niður svo hún gleymist ekki. Það gerist ósjaldan. Ein svona hugmynd kom einmitt í vikunni. Núggat ís, reyndar var það fyrsta sem kom var nutella ís og sú uppskrift er ég með skothelda sem býður betri tíma en beint á eftir kom núggat ís og hann var góður.

Núggat ís

100g núggat (uppskrift hér)

2 dl rjómi

1 egg

2msk sukrin melis

10 dropar súkkulaði Via-Health stevía

útbúið núggat eftir leiðbeiningum nema ekki kæla það.

Þeytið rjómann.

Egg og sukrin melis ásamt stevíu þeytt vel saman.

Öllu blandað vel saman og sett í frysti þar til frosið. Gott að hræra á 30 mín fresti.

Skúffukaka

Ég setti óvart inn á dísuköku síðuna mína á fésbókinni mynd þar sem ég tjáði að ég væri búin að finna skothelda skúffuköku uppskrift. Þessi póstur átti að fara á mitt persónulega fésbókarvegg en stundum þá er maður ekki að fylgjast með. En þar sem svo margir vilja uppskriftina get ég ekki annað en deilt með ykkur. Þetta er lítil uppskrift sem passar í lítið form stærð 20x20 en ekkert mál að tvöfalda hana.

Ég persónulega þurfti þess ekki. Ein sneið mettar vel.

Skúffukaka

50g kókoshveiti

130g Sukrin

110g smjör

120 ml kaffi eða vatn

2 msk sykurlaust kakó (ég nota Hersey´s)

3 stór egg

6 msk sýrður rjómi

1 tsk vanillu extract

1 tsk matarsódi

Krem

50g smjör

1 msk kakó

50g Sukrin melis

2 msk möndlumjólk

1/2 tsk vanillu extract

Sigtið kókoshveiti í skál og bætið við sukrin og blandið vel saman.

Í pott setjið smjör, kaffi og kakó og bræðið saman og setjið svo í skál með kókoshveiti og sukrin. Hrærið vel saman. Restin af hráefnum bætt við. Smyrið 20x20 cm form með smjöri eða pamspreyi og bakið við 200 gráður í ca 20 mínútur.

Krem

Á meðan kakan er í ofninum er kremið útbúið.

Smjör, kakó, möndlumjólk og vanillu extract sett í pott og látið bráðna á vægum hita. Í lokin er sukrin melis bætt við og blandað vel við. Látið standa heitt þar til kakan er tekin úr ofninum.

Setjið kremið á heita kökuna og látið kólna. Stráið kókos yfir kökuna. Skerið ekki kökuna fyrr en hún er alveg orðin köld.

Karamellu osta desert

Ég vona að þið áttuð gott páskafrí. Mitt var mjög gott. Mikið um fjör og gaman. Danskur vinnufélagi Jóns frá Grænlandi var á landinu með fjölskyldu sinni og vorum við dugleg að ferðast með þau út fyrir höfuðborgina og einnig í borginni. Það besta kannski við þessa páska var það að vita að nú er Jón komin heim fyrir fullt og allt. Ekki aftur til Grænlands, engar niðurtalningar í heimkomu í margar vikur. Bara pabbi heima öll kvöld og nætur :)

Ég hef lítið verið í eldhúsinu að prófa mig áfram. Það sem ég hef verið að baka hefur aðalega verið rúllutertan og lagtertan sem ég gerði fyrir bókina. Ég elska hversu fljótlegt og auðvelt er að útbúa þessar tvær kökur. Eins og með þessa uppskrift, fljótleg og ljúffeng ;)

Karamellu osta desert fyrir tvo

110 g rjómaostur

60 ml rjómi

10-15 dropar Via-Health karamellu stevía

1/2 tsk vanillu extract

1-2 msk sukrin melis

50 g pecanhnetur eða heslihnetur

1 msk smjör

rjómaostur settur í skál og hrært vel í honum. Bætið við rjóma og sætuefnum og þeytið þar til komið með þykkt eftir smekk.

Saxið hnetur niður smátt.

Setjið smjör í pott og bræðið. Bætið hnetum við og blandið vel.

Setjið í litla skál hnetur í botninn og þrýstið vel niður. Bætið við ostablöndunni og setjið svo smá hnetukurl ofan á. Setjið í kæli í ca klt.

Bombu molar

Það hefur farið lítið fyrir blogginu síðustu vikur. Það fór mikil orka í að búa til nýjar uppskriftir til að gera fyrir bókina og ég var í ham og er komin langt á veg. Alexander Gauti minn varð 8 ára í gær og var fagnað með fjölskyldunni um helgina. Ákvað að slá tvær flugur í einu höggi og baka sykurlaust fyrir afmælið og prófa mig áfram með ýmsar uppskriftir. Ég var á síðustu stund að fá fullt af hugmyndum og tveimur tímum fyrir veisluhöld fékk ég hugmynd hvernig ég gæti gert lagtertu og auðvitað varð ég að prófa það. Ég held að ég hafi farið með eggja og rjóma met í eldhúsinu þessa daga sem ég bakaði fyrir afmælið.

Ég vil líka nota tækifærið að þakka öllum þeim fyrirtækjum sem eru að styrkja mig með vörum svo ég get bakað fyrir komandi bók.

Via-Health stevía 

Sukrin

H-Berg

Nú er bara að redda sér hænum ;)

Ég hef varla stigið fæti inn í eldhús síðan og fékk bara nóg af bakstri í bili. Hef varlað opnað excel skjalið með hugmyndum og öllum uppskriftum sem ég er vön að skoða og endurbæta hundrað sinnum á dag en þetta hefur verið ágætis hvíld.

Ég elska að eiga eitthvað til að narta í og þessar eru ótrúlega góðar til að eiga í fyrstinum og dugar fyrir mig að fá mér einn mola til að slökkva á nartþörfinni en ég vara ykkur við, þetta er fitubomba dauðans en með hollri og góðri fitu ;)

Bombu molar

1 bolli kókosolía

3 msk sykurlaust kakó (ég nota Hersey's)

2 msk hnetusmjör

15 dropar original Via-Health stevía

Kókosolía hituð í potti á.  Setjið þrjár skálar á borðið og deilið kókosolíunni á milli þeirra jafnt. Í fyrstu skálina er kakó blandað við, í skál nr 2 er hentusmjör hrært við og í þá 3 stevíudropar. Blandið hráefnum í hverri skál vel saman með skeið.

Notið lítil konfektform og setjið fyrst hreinu kókosolíuna í formin (fjöldi fer eftir stærð á formum en ég fékk um 14 mola úr mínu). Setjið í frysti í 10 mín. Því næst er hnetusmjörsblandan sett í formin og aftur sett í frysti í 10 og í lokin er súkkulaðið sett í formin og enn og aftur inn í frysti og best að geyma molana þar.

Sumardraumur

Ohh vorið er komið, nei nú er komin snjókomma, nei sko! Sól, æji rigning!

Já svona ekta íslenskt veður þessa vikuna :) En ég er virkilega farin að þrá sumar og sól. Börnin líka, þau bíða spennt eftir að komast út léttklædd að leika. Þegar biðin er löng finnst mér hrikalega gott að útbúa góða drykki sem minna mig á sumar og sól. Síðustu vikur hefur því nýji yndislegi blandarinn minn fengið að sýna krafta sína í eldhúsinu og ýmsir drykkir búnir til. Mjólkurhristingar, bæði vanillu og súkkulaði. Hnetusmjörs bomba er sjúklega góður drykkur en þetta fer allt að sjálfsögðu í bókina sem er í bígerð ;)

Þessi varð svo til áðan þegar ég var að baka. Opin kókosmjólkur dós og frosin jarðaber í frystinum. Ekki þörf á klaka og tók 3 mínútur að útbúa. Sjúklega góður. Börnin voru ekki lengi að taka fram rör og skála fyrir komandi sumri :) Þessi uppskrift dugar í fyrir tvo.

Sumardraumur.

1 dós kókosmjólk, 400 ml

10 frosin jarðaber 

2 msk sukrin melis

Frekar einfalt og fljótlegt. Setja allt í blandara og mauka þar til silkimjúkt. Ég setti svo tvö frosin jarðaber ofan í sem klaka. Börnunum finnst gott að borða hálf frosin jarðaber :) Skiptið út jarðaberjum fyrir bláber eða hindber eða blandið saman :)

Núggat fylltir kransakökubitar

Ég er nú ekki mikið fyrir kransakökur eða marsipan en ég hef lúmskt gaman að gera uppskriftir sem höfða ekki endilega til mín. Eins og með sörurnar. Þegar ég gerði sykurlausu sörurnar í fyrra var það í fyrsta skipti sem ég gerði sörur á ævinni og satt að segja man ég ekki sérstaklega eftir því að hafa smakkað sörur.  En núna styttist í fermingar og því fylgir mjög oft kransakökur. Því fór ég að skoða internetið og sá að það er bara mjög auðvelt að útbúa marsipan. Ég ákvað svo að setja saman mína uppskrift af þessu. Ætli það hafi ekki verið núggatið sem náði svona vel til mín. Ég er núggat fíkill og í gærkvöldi þegar ég var að smakka á núggatinu ómæ. Alexander kom hlaupandi eins og vindurinn til að athuga hvað væri svona hrikalega gott í eldhúsinu og við átum núggatið með skeið. Yndisleg mæðgna stund sem það var :)

Þetta er lítil uppskrift en auðvelt að tvöfalda eða þrefalda hana.

Núggat fylltir kransakökubitar

6-8 bitar

100 g hýðislausar möndlur

1 eggjahvíta

2 msk sukrin melis

6 dropar via health original stevía

nokkrir möndludropar fyrir þá sem vilja

Setja möndlunar í blandara eða matvinnsluvél og hakka þær í fíngert möndlumjöl. Setja í skál og bæta rólega við eggjahvítunni og sætuefnum. Ef eggjahvítan er stór gæti þurft aðeins meira af möndlumjöli. Þegar þú ert búin að blanda þessu öllu vel saman ertu komin með góða marsipan kúlu. Skiptu henni í tvennt og geymdu í kæli með álpappír eða plasti yfir í klukkutíma. 

Takið út og rúllið marsipaninu í ca 15-20 cm lengjur. setjið á bökunarpappír og fletjið lengjurnar niður og skerið hverja lengju í 3-4 bita. 

Skerið núggatið í litla bita og setji í miðjuna á hverju marsipan bita. Lokið svo yfir núggatið með marsipaninu og formið eftir ykkar höfði :) Setjið á bökunarpappír og inn í ofn sem er 200 c heitur í cirka 8 mínútur. Látið alveg kólna áður en sett er glassúr yfir. Ég setti smá vatn í bolla og setti sukrin melis þar til það varð nógu þykkt. Hægt að bragðbæta glassúrin með stevía dropum.

Núggat

50 g sykurlaust mjólkursúkkulaði

50 g hesslihnetusmjör (ég notaði frá monki)

Sejtið í skál og bræðið yfir vatnsbaði. Hrærið vel í með skeið þar til alveg blandað saman. Setjið í box eða ílát sem má fara í frysti og frystið í ca 30 mínútur. Skerið núggat í litla bita og setjið í marsipan. Borðið afganginn með bestu lyst :)

Karamellu draumur

Það er ekki margt sem er skemmtilegra en að hitta stór fjölskylduna í afmælisboðum. Um helgina var eitt afmæli og allir hressir og kátir og mikið helgið og spjallað. Það sem einkennir kannski umræðu efni hjá okkur er matur. Engin pólitík eða hvað er að gerast í heiminum heldur matur. Sem dæmi þá var örugglega eytt 40 mínútum bara að tala um grjónagraut og hrísgrjón. Við tókum ekki eftir þessu fyrr en einn frændi minn sagði, við erum búin að vera tala um grjónagraut í 30 mínútur og þar á undan var talað um sushi! Ég hélt að þetta væri bara normið og svona væri í öllum fjölskyldum, sem mér finnst svo sorglegt að sé ekki ;) Þegar ég borða morgunmat, er ég strax farin að huga að næstu máltíð og í hádeginu þá er huginn við kvöldmatnum. Og mér finnst fátt skemmtilegra en að flétta matreiðslubókum eða vafra á netinu að skoða uppskriftir.

Ég elska karamellu og hef saknað hennar. Jú náði að gera gómsæta karamellu fudge en ég vil mjúka karamellu sem ég get sett á ís, kökur eða fyllt konfekt með. Og svo ákvað ég að prófa að nota afganga  og viti menn þessi virkaði!

Karamellu draumur

1 dós kókosmjólk

20 g smjör

60 g sukrin gold

6 dropar Via-Health karamellu stevía

Allt sett í pott eða pönnu með teflon helst. Látið bráðna og svo malla á meðalhita. Hræra á nokkra mínútna fresti. Þegar hún er farin að þykkna er karamellan tilbúin og sett í krukku :) Getur tekið frá 30-40 mínútur. Þessi kristallast ekki þegar hún kólnar ef hún er geymt í lokuðu íláti og er ljúffeng.

Avocado kókos búðingur eða ís ;)

Svona þegar maður fær algjört ógeð af rjóma og súkkulaði eftir bolludaginn þá mæli ég með að þið skellið í einn avocado kókos búðing/ís. Hann er góður sem búðingur og hann er einnig æðislegur sem ís. Þessi gerist varla hollari.

Avocado kókos búðingur

220 g avocado eða um 1 avocado

200 g kókosmjólk

70 g rjómi eða kókosmjólk

50 g sukrin melis

4 dropar Via-Health kókos stevía

1 msk lime safi

salt klípa

Setja allt í skál og mauka með töfrasprota. Ef á að útbúa ís er sett í frysti í ca 1-1,5 klt. Skreytið með kókosflögum :) 

Vatnsdeigs bollur

Sá þessa uppskrift á LKL síðu á facebook og ákvað að prófa. Breytti reyndar uppskriftinni ogguponsu en upprunalega kemur frá Þórunni Berndsen. Þær vour pínu blautar að innan. Kom samt ekki illa út og ég var alveg að líka það. Prófaði líka að skafa innan úr þeim og það heppnaðist vel.

Vatnsdeigsbollur

125 g smjör

250 ml vatn
40 g kókoshveiti

4 lítil egg eða 3 stór

1 tsk xhantan gum

15 dropar Via-Health stevíu vanillu eða original

Hægt að setja 20 g möndlumjöl á móti 20 g af kókoshveiti ef fólk vill minna kókosbragð og aðeins grófari bollur. Hinsvegar fann ég ekki kókosbragð og er viss um að stevían kemur til bjargar þar.

Ef þið viljið sleppa öllum mjólkurvörum sökum ofnæmis eða óþols er hægt að nota smjörlíki í stað smjörs og þeytta kókosmjólk í stað rjóma :) Búið til súkkulaði úr kakó, sukrin melis og smjörlíki

Smjör og vatn sett í pott og brætt. Kókoshveiti og möndlumjöl bætt í pottinn og hrært vel saman. Xhantan gum bætt út í og blandað við. Sett í skál og látið kólna. Bæta við eggjum, eitt í einu og hræra vel saman við deigið. Í lokin eru stevía dropum bætt við.

Nota skeið til að setja deig á bökunarplötu með bökunarpappír á. Bakað með blæstri á 190 gráður í ca 30 mínútur.

Ég bræddi svo sykurlaust súkkulaði og setti á bollurnar :)

Kókos chia búðingur

Kókos chia búðingur, eitthvað sem ég þarf að gera í hverri viku. Ég kvarta ekki. Þetta er einfalt, fljótlegt og sjúklega hollt og ég því ánægð að vera beðin um að útbúa þennan fyrir eitt barnið. 

Gott í morgunmat, í nestið, síðdegis hressingu og í kvöldkaffi.

Kókos chia búðingur

1 dós kókosmjólk

40 g chia fræ

10 dropar Via-Health stevía vanillu, kókos eða original

100 g maukuð jarðaber 

Kókosmjólk sett í skál og pískuð ef hún er misþykk. Chiafræ og stevía bætt út í og látið standa í 10 mínútur. Jarðaber maukuð (er ýmist með fersk eða frosin) og blandað út í.

Súkkulaði ís

Það er búið að vera hrikaleg sætinda þörf síðustu sólahringa hjá mér. Bíllaus og föst heima með veikt barn. Ónei! Þá fékk ég mikla þörf að drekka Zevía drykk og fá mér ís. Ég var við það að senda næstum átta ára son minn út í Hagkaup að versla Zevía en hætti við. Svo var ég við það að láta hann passa systur sína og fá hjólið hans lánað en já nei fannst það ekki heldur sniðug hugmynd. Í kvöld gafst ég upp og ákvað að búa til súkkulaði ís eftir uppskrift sem ég fann á netinu og ómæ hvað það var ljúft!!! Þetta var alvöru súkkulaði ís fyrir allan peninginn!!! Börnin mín verða ánægð á morgun þegar þau fá að smakka á honum, ef ég verð ekki búin með hann ;)

Súkkulaði ís

1 bolli sukrin melis

3 egg

1 bolli kakó (var sjálf með Hersey's)

1 bolli möndlumjólk eða laktós frí mjólk

1,5 bolli rjómi

6 dropar Via-Health stevía original

salt klípa

Egg, sukrin melis, kakó og mjólk sett í skál og blandað vel saman. Setja skálina í örbylgju í ca 20 sek og hræra vel saman þar til vel blandað. Því næst er salt og rjómi bætt út í (óþeyttur). Sett í box og inn í frysti. Ef þú ert alveg að farast úr ísþörf getur sett ís í nokkur muffins form og sett í frystirinn og látið bíða í ca 20 mínútur. Þá ertu komin með fínar súkkulaði ís kökur :) Áður en ég fæ mér ís er ég farin að láta kalt vatn renna á ísskálina sem ég ætla að nota og setja hana í frystirinn í nokkrar mínútur. ísinn helst þá kaldur og góður á meðan þú borðar hann ;)

Sunnudags vöfflur

Vöfflur á sunnudegi, er það ekki heilagt?

Ákvað að prófa að setja saman eina uppskrift og heppnaðist vel :) 

Sunnudags vöfflur ca 2-3 stk

2 egg

4 msk rjómi

1 msk möndlumjöl

2 tsk fiberhusk

1-2 msk sukrin gold

6-8 dropar via-healt karamellu stevía eða vanillu

salt á hnífsoddinn

Blanda öllu vel saman og smakkið til. Ef of mikið eggjabragð sætið betur og leyfið að standa í nokkrar mínútur. Spreyið vöfflujárnið með pam spreyji eða setjið smjörklípu er það er orðið heitt. Bakist þar til orðið gullinbrúnt. Borið fram með þeyttum rjóma og ferskum berjum. Eða með smá sukrin á eins og börnin vilja ;)

Rjómabúðingur

Í dag vorum við svo heppinn að fá nýjan meðlim í fjölskylduna. Hann Batman kom loks heim frá Kattholti og gerir heimilið fjörugra. Ég hef aldrei kynnst eins mikilli kelirófu á ævi minni! Hann elskar að vaða beint í andlitið á mér og knúas mig, hann meira að segja klappar mér um kinn með loppu sinni. Honum finnst eldhúsið líka ansi skemmtilegt og þarf ég nú að venjast því að ganga þar um án þess að traðka á kettlingnum :)

Það getur stundum verið erfitt að vinna í tölvunni með þessa kelirófu ;)

Stundum kemur sætuþörfin úr þurru lofti og mig vantar einhvað gott strax. Í gær gerði ég þennan í flýti og hann var góður!!! Passa bara að borða ekki of mikið af honum, þá gæti manni orðið bumbult.

Rjómabúðingur

200 ml rjómi

1,5 msk chia fræ

4 dropar Via-Health karamellu stevía

Rjómi þeyttur.

Chiafræjum bætt út í ásamt stevíu dropum.

 Öllu hrært vel saman.

sett í kæli í 30 mín eða frysti í 10 mín

Kanilsnúðar

Það hefur farið lítill sem engi tími í bakstur eða heimagerðan mat síðustu tvær vikurnar í janúar. Langt síðan ég hef verið svona hrikalega upptekin og dagbókin mín er útskrifin alla daga vikunnar en ég elska þetta. Það færist einhvern vegin meira líf í mig við allt þetta stúss.

Það er mikil eftirvænting á heimilinu því við ákváðum að fá okkur eina kisu í fjölskylduna. Við kíktum á mánudaginn í Kattholt og þegar inn var komið þá var einn kettlingur sem átti hug okkar allan. Hann var svo óhræddur við okkur og kelin og ætlaði með okkur heim á staðnum. Börnin urðu ástfangin frá fyrstu mínútu og nafnið sem hann bar var nafn sem þau elska en kisi heitir Batman. Verst er að Batman kallinn er búin að vera eitthvað illt í maganum og því ekki hægt að ormahreinsa og örmerkja fyrr en hann er orðin betri. Við vonumst til að geta tekið hann heim eftir helgi.

Við mæðgur erum aleinar heima þessa helgina og í morgun var skellt sér í eldhúsið að baka kanilsnúða. Þeir heppnuðust mjög vel. 

Kanilsnúðar 6 stk

25 g mjúkt smjör

1 egg

60 g möndlumjöl

1,5 msk kókoshveiti

2 msk sukrin melis

1,5 tsk lyftiduft

1 tsk fiberhusk

3 dropar Via-Health kanil dropar

Fylling

50 g smjör

1.5 msk sukrin gold

1 tsk kanill

Blanda smjöri og þurrefnum vel saman.

Eggi bætt út í og öllu vel blandað saman. Ef deigið er mjög blautt er gott að bæta smá möndlumjöl við en stærð eggjar getu haft áhrif á hversu blautt það verður. Deigið sett í ísskáp í ca 10 mínútur. Sett á bökunarpappír og önnur örk af bökunarpappír sett yfir og rúllað út í litinn ferhyrning. Fyrir fyllinguna þá er smjör ásamt strásætu og kanil sett í pott og látið bráðna saman. Dreift á deigið og því rúllað upp. Getur verið pínu vinna en gott að nota bökunarpappírinn til að hjálpa við upprúllunn. Svipað og gert er þegar hakkrúlla er rúlluð upp, fyrir þá sem kannast við það. Rúllan skorin í sneiðar og sett í muffinsform. Bakað undir miðjum ofni í 20 mínútur á 150 gráður.

Jarðaberja muffins sæla

Bóndadagurinn nálgast og þá þarf víst að huga að strákunum í lífi manns. Á heimilinu verður bara einn af þeim heima í þetta sinn. Hinir tveir eru í Grænlandi og Húsavík. Minnsti bóndinn minn vildi eitthvað sjúklega gott með jarðaberjum eins og hann orðaði það sjálfur. Þá datt mér þessi uppskrift í hug sem ég sá fyrir löngu síðan á einni af uppáhalds blogg síðunum ibreatheimhungry.com

Ég gerði ogguponsu breytingu en uppskriftin var æði! Fannst líka þægilegt að úr henni koma 4 muffinskökur sem er hæfileg stærð. Húsbóndinn á heimilinu er búin að hakka í sig sína sneið eftir að hafa hjálpað mér að baka þær en hinar þrjár fara í vinnuna á morgun fyrir vinnufélagana :)

Jarðaberja muffins 4 stk

2 msk smjör, brætt

2 msk sukrin melis

25 g möndlumjöl

1 egg

45 g maukuð jarðaber

1/2 tsk lyftiduft

1 msk kókoshveiti

10 dropar Via-Health stevía eða 1 tsk vanilludropar

salt klípa

Smjör brætt og sett í skál ásamt öllum hráefnum. Ég var með fersk jarðaber sem ég maukaði. Blandað allt vel saman og sett í 4 muffinsform og í ofnin í 18-20 mínútur í 185 gráðu heitan ofn. Ath hvort þær séu tilbúnar með að stinga títuprjón í þær, ef hann kemur hreinn upp er þetta tilbúið. 

Krem

125 ml rjómi

2 msk jarðaberjamauk

1 mk sukrin melis

Rjómi þeyttur. Sukrin melis blandað varlega við og síðan jarðaberja mauk. Sett í sprautupoka og sprautað á muffinsin. Skreytið með jarðaberjum.

Til að fá mjólkurlausa útgáfu af þessum notið smjörlíki í stað smjörs og kókosmjólk í stað rjóma. 

Mangó lassi Dísu

Börnin mín eru dálítið heilaþvegin af móður sinni þegar það kemur að hollustu í mat. Þau spyrja hvort það sé sykur í hinu og þessu því þau hafa áhyggjur hvort afi megi borða (afi með sykursýki). En ekki misskilja, þau fá alveg óhollustu líka en ég reyni að hafa það minna og minna.

Ég hef reynt að koma fjölbreyttum mat í millimál fyrir þau og það nýjasta sem sonur minn vill fá fyrir æfingu er mangó lassi boost.

Hann er ekki kannski rosalega hentugur fyrir þá sem eru á lkl og halda sig undir 30 g af kolvetnum á dag en hann er samt æði fyrir okkur hin og yndislegur fyrir börnin!

Mangó lassi Dísu

400g dós af Mangó frá Nature's finest 
240 g hrein jógúrt
120 ml mjólk
15 dropar Via-Health stevía original
Klakar

Mangó án safa (hægt að drekka safan eða geyma út í hreint jógúrt eða skyr) sett ásamt öllu hráefni og maukað í blandara eða með töfrasprota í nokkrar sek eða þar til mjúkt og seiðandi