Brauðbollur

Það sem hefur vantað í mataræðið hjá mér eru góðar morgunverðarbollur.  Ég útbý stundum úr brauðmixinu frá Funksjonell  en maður á það ekki alltaf til.

Þessa uppskrift sá ég á FB fyrir löngu löngu síðan og ætlaði alltaf að prófa. Ég man engan vegin hvar ég fann hana en ef einhver kannast við hana (man að þetta var íslensk uppskrift) má endilega láta mig vita hver á hana svo ég get sett það inn sem heimild :)

En ég lét loks verða úr því í dag að prófa uppskriftina.

Breytti henni ogguponsu en vá hún er ótrúlega góð. 

Vel af smjöri og góð ostsneið og þetta er gúrmé.

Ég útbjó litlar bollur og fékk um 10stk. Ein lítil bolla mettar mig svo ég ætla að geyma þær í frystinum og næla mér í eina og eina.

Brauðbollur 8-10stk

2 egg

1dl kókoshveiti (ég nota frá Funksjonell)

1/2dl HUSK

2msk chia fræ

2tsk vínsteinslyftiduft

1dl rjómi (eða þykki hlutinn af kókosmjólk)

1dl grísk jógúrt

1/2dl vatn

2msk möndlumjöl

2msk Sukrin Gold

1/2tsk salt

Þurrefni sett í skál og blandað vel saman. Eggjum svo bætt við og hrærið vel.

Rjómi, grísk jógúrt og vatn sett í pott og látið ná suðu og bætt þá við í skálina. Blandið vel saman og látið svo standa í 10-15 mínútur. 

Búið til bollur með höndunum. Gott er að vera með blautar hendur svo deigið festist ekki við þær.

Stráið yfir bollurnar chiafræjum ef þið viljið og bakið svo á 175 gráðum í ca 30 mínútur.

Hnetusmjörs gotterí

Páskarnir búnir, ljúft. Já ég elska að komast í rútínu aftur.

Við vorum bara þrjú í kotinu þetta árið þar sem strákarnir voru hjá pabba sínum á Akureyri.

Þar var víst bongóblíða og miðjan mín kom heim í gær og var greinilega að safna freknum á Akureyri.

Við hjónin fórum í hjólatúr með yngsta á meðan og kíktum í Húsdýragarðinn á milli þess að vera í náttfötunum og hafa kósý.

Við fengum öll súkkulaði egg. Ég fékk mér sjálf hvítt súkkulaðiegg.

Allir voða spenntir fyrir páskunum og svo kom dagurinn. Við leituðum af eggjunum, settumst niður og fengum okkur smá bita og svo bara búið. Því eigum við hér 3 næstum óétin páskaegg.

Á næsta ári ætla ég ekki að kaupa mér egg. Ég datt aðeins út af sporinu um páskana og fékk mér ýmislegt sem ég hef ekki látið eftir mér lengi. Sé svo eftir því. Hef verið laus við gigtarverki allt þetta ár og svo núna, blehh já ég ætla víst aldrei að læra þetta.

En hér er uppskrift sem ég slumpaði saman um daginn.

Átti þetta heillengi í frystinum. Gleymdi þessu þar.

Elsta barnið var ekki lengi að þefa þetta upp og kláraðist svo samdægurs.

En þetta er æði til að fá sér smá bita þegar manni vantar smá til að narta í. Gott er að skera nammið í litla bita og geyma í frystinum eða ef þið eruð viss um að þetta verði ekki til lengur en í 2 daga þá er hægt að geyma í kælinum og rífa klípu af og fá sér.

Hnetusmjörs gotterí

100g hnetusmjör t.d H-Berg

1msk sukrin gold

15g smjör

1-2msk rjómi eða kókosmjólk

75g salthnetur

1-2 dropar toffee stevía frá now

Setjið í pott og hitið á vægum hita. Hrærið í og blandið vel saman og setjið svo í silikonform eða form sem er með bökunarpappír á og í frysti í ca 30 mínútur.

Skerið í bita og geymið í frysti.

Sykurlaus páskaegg

Páskarnir rétt handan við hornið.

Ég er eiginlega ekki að trúa því að það sé strax komið að páskum!

Ég reyndar fæ mér páskaegg um páskana. Læt það eftir mér. Ég er reyndar ekki mikil páskaeggja kona. Þegar ég var barn og unglingur náði ég aldrei að klára páskaeggið mitt. Hinsvegar sá ég að það er komið hvítt súkkulaði egg. Ég er búin að fjárfesta í einu og setja upp í skáp.

En það eru ekki allir sem geta fengið sér þessi venjulegu páskaegg og hér er því ein uppskrift fyrir þá.

Formið keypti ég í Hagkaup en þeir eru að selja það fyrir Allt í köku.

Páskaegg

1/2 bolli kakósmjör, smátt skorið

1/2 bolli kókosolía, bragðlaus

40g ósykrað kakó

30g Sukrin Melis

10 dropar súkkulaði stevía

Kakósmjör og kókosolía sett í pott og brætt á lágum hita. Hrærið reglulega í.

Þurrefnum og stevíu blandað við og sett í pottinn. Hrærið vel en það getur tekið smá stund að fá sætuna og kakóið til að bráðna.

Setjið í formin súkkulaðið, ef þið ætlið að fylla þá setjið 1/3 af súkkulaði í formið og frystið.

Setjið svo fyllingu og lokið með að setja súkkulaði yfir.

Hugmynd af fyllingum.

Hnetusmjör

Súkkulaði karamellurnar mínar

Sykurlaust nutella

Jaðrarberjamauk eða önnur ber

Núggat

Valentínusarkaka fyrir tvo

Ég held ekki upp á Valentínusardaginn. Finnst hann persónulega algjör óþarfi, svona þar sem hann lendir á milli bónda og konudaginn. Við heiðrum þessa daga á mínu heimili en Valentínusar er bara eins og hver annar dagur. 

En margir halda upp á þennan, dag og hann verður alltaf vinsælli með hverju ári hér á landi.

Ég er búin að vera heima með einn slappan dreng í dag og hann er ótrúlega mikil kelirófa og með rómantíska genið í sér og hann mun örugglega heiðra framtíða maka sinn á þessum degi í framtíðinni.

Svo við ákváðum að skella í eina ofur bleika og væmna köku í dag. Hún er dísæt og já, mjög bleik en smakkast samt sem áður vel. Hún er lítil og dugar fyrir tvo, jafnvel fleiri því ein lítil sneið er nóg til að metta mann.

Valentínusarkaka

1msk möndlumjöl

2msk kókoshveiti

1msk ósykrað kakó

1-2msk sukrin

1/2 tsk vínsteinslyftiduft

60ml rjómi eða kókosmjólk

2 egg

1/2tsk vanilludropar

5-7 dropar súkkulaði eða vanillu stevía

Blandið þurrefnum saman í skál. 

Egg, rjómi, vanilludropar og stevía pískað vel saman.

Blandið öllu vel saman.

Smyrjið lítið 12 cm form með smjöri og setjið helminginn af deiginu í.

Bakið á 170 gráður í ca 20 mínútur.

Látið kökuna kólna og bætið svo rest af deigi í formið og bakið eins og fyrri botninn.

Hægt er að hafa bara einn botn og minnka uppskriftina um helming.

Rjómaostakrem

150g rjómaostur

1/2-1tsk vanilludropar

1.5msk rjómi

5 dropar vanillu stevía

30g sukrin melis

smá rauður matarlitur

Setjið í skál/hrærivél og hrærið vel saman.

Þetta er dáldið stór uppskrift fyrir þá sem vilja drekka kökunni í kremi eins og við gerðum. 

Ef þið ætlið bara að gera hálfa uppskrift af kökunni, þá minnkið þið kremið líka.

Skreytið svo kökuna með smá kókosmjöli.

Avókadó súkkulaði kökur

Ég skal alveg játa það að ég var þessi sem borðaði mjög einhæft.

Pasta, kjöt, fiskur, mikið af kolvetnum sem voru ekki holl og ávextir og grænmeti fóru aðeins inn í minn munn á fullu tungli, ef svo oft.

Eftir að ég tók út sykur og hveitið hef ég verið að reyna að borða hollara á allan hátt. Passa upp á olíur sem ég nota, koma grænmeti og eitthvað af ávöxtum meira inn í mataræðið.

Fyrir 18 mánuðum síðan gat ég borðað blómkál í fyrsta sinn þegar ég gerði blómkálspopp. Svo hef ég verið að finna leiðir til að nota blómkálið í allskonar bakstur og matargerð og er orðin háð blómkáli.

Broccoli og paprika er að koma sterkt inn hjá mér núna, ásamt avókadó.

Avókadó er mjög hollt og sjúklega gott þegar maður blandar því við súkkulaði. Það gerist einhverjir töfrar þegar þessu tvennur er blandað saman.

Þessar kökur eru fyrir þá sem elska dökkt súkkulaði og smá rammt eftirbragð. Ein kaka með kvöldkaffinu fullkomnar kvöldið.

Avókadó smákökur

80-100g avókadó
50g sukrin gold
1 egg
30g ósykrað kakó
6 dropar bragðlaus stevía (má sleppa)
1/2tsk vanilludropar
1/2tsk matarsódi
50g saxað sykurlaust súkkulaði fyrir þá sem vilja gera kökurnar enn betri

Setjið hráefnin (ekki súkkulaðið) í blandara og blandið vel saman. 

Saxið súkkulaðið og bætið við deigið með sleif.

Ef þú átt ekki blandara geturu maukað avókadóið niður með gaffli og þeytt svo saman við hráefnin.

Notið tvær skeiðar til að færa deigið yfir á bökunarpappír. Ég fékk um 10 stk. úr deiginu.

Bakið á 175 gráður í 8-10 mínútur.

Látið kökunar alveg kólna áður en þið fjarlægið af bökunarpappírnum og geymið í kæli. Þær eru langbesta kaldar.

Pizzubotn úr osti

Fljótlegur, einfaldur og góður. Segir allt sem segja þarf um þennan pizzabotn :)

Það er ýmislegt sem maður finnur á pinterest.

Pizzubotn

1 egg

100g rifin ostur

2msk möndlumjöl

krydd eftir smekk. Pizzukrydd, hvítlaukskrydd, oregano

Blandið öllu vel saman í skál.

Setjið á bökunarpappír og dreifið úr.

Bakið á 180 gráður í ca 10 mínútur eða þar til rétt farið að gyllast.

Takið úr ofninum og setjið sykurlausa pizzusósu (ég nota frá Hunt's), álegg og smá rifin ost og setjið svo aftur í ofninn þar til osturinn er gylltur.

Pizzusnúðar

Maður er stundum svo hrikalega heftur þegar kemur að því að nota tilbúnar vörur öðruvísi en stendur á pakkanum. Brauðmix eru bara brauðmix og kökumix, kökumix. En ég fór að hugsa um helgina hvað ég gæti gert öðruvísi. Hlýtur að vera hægt að bæta einhverju við eða gera annað en brauð eða köku. Og hugmyndirnar létu ekki á sér standa. Yfir 20 nýjar hugmyndir komu niður á blað og bíða eftir að vera prófaðar. Það fyrsta sem ég prófaði var að gera pizzusnúða og skinkuhorn úr brauðmixinu og heppnaðist það vel að börnin laumuðust í þetta þar til ekkert var eftir nema mylsnur.

Brauðmixið sem ég notaði er frá Funkjonellmat, sama fyrirtæki og býr til sukrin vörurnar.

Brauðmixið er sykur, hveitis og glútenlaust. Ef þið eruð að fylgja LKL þá er eitthvað af höfrum í mixinu en ekki mikið. Hafrar eru í raun há í kolvetnum en í 100g af þessu brauðmixi eru 3.9g af virkum kolvetnum. Ég læt þetta alveg eftir mér en aðallega er þetta búið til fyrir börnin.
Ég notaði ekki leiðbeiningarnar utan á pakkanum til að búa til pizzasnúðana.

Pizzusnúðar

18-20 stk.

1 pakki fínt brauðmix frá Funksjonell Mat

2dl hreint jógúrt

1msk hvítlaukssalt

sykurlaus pizzasósa (ég nota frá Hunt's)

pepperoni

skinka

rifin ostur

Setjið brauðmixið ásamt hreinu jógúrti og hvítlaukssalti í skál og blandið vel saman.

 Látið standa í 5 mínútur. 

Setjið deigið á smjörpappír og svo annan smjörpappír yfir og rúllið út í ferhyrning. (ef deigið er of blautt er gott að strá smá kókoshveiti eða sesammjöl á smjörpappírinn fyrst). Takið efri pappírinn af.

Setjið pizzasósu, skinkubita og rifin ost á deigið og dreifið vel út. 

Rúllið deiginu upp og notið pappírinn til að hjálpa ykkur. Skerið lengjuna í ca 1 cm rúllu og setjið í muffinsform eða beint á bökunarpappír.

Bakið á 175 gráður í ca 12-15 mínútur.

Prófið ykkur áfram með innihaldi. Smurostar, piparostur, sveppir eða eitthvað annað :)

Hnetusmjörs brownie

Þá er sumarið formlega búið. Börnin byrjuð í skólanum og fyrstsa haustlægðin búin að herja á okkur síðasta sólarhinginn. Eins og alltaf þegar haustið byrjar að taka á sig mynd og ég kveiki á trilljón kertum þá kemur jólabarnið upp í mér. Já ég er þessi skrítna sem byrja að hugsa og skipuleggja jólin í lok ágúst. En að bakstri. Henti í þessa köku í dag því ég varð að prófa nýju strásætuna frá Via-Health sem er væntanleg í Krónuna núna eftir helgina og ómæ ómæ, þetta var svooo gott. Stundum finnst mér það vera kostur ef börnin finnst baksturinn vondur, þá þarf ég ekki að deila með þeim. Eins og með þessa. Hefði alveg mátt finnast hún vond svo ég gæti notið þess að borða allan skammtin ein.

Hnetusmjörs brownie

60g smjör

60g sykurlaust súkkulaði

1 egg

1 eggjarauða

3msk Fínmalað Erytrítól frá Via-Health eða sukrin melis

1/2 tsk vanillu extract eða dropar

6 dropar Via-health original stevía

1.5-2 msk ósykrað kakó

2 tsk eða msk af hnetusmjöri

Smjör og súkkulaði sett í pott og brætt á lágum hita.

Egg, eggjarauða, strásæta, stevía og kakó þeitt vel saman í tvær mínútur.

Bætið súkkulaðið við og blandið vel.

Smyrjið með smjöri tvö lítil eldföst mót (eins og maður notar fyrir creme brulee)

Setjið helminginn af deiginu í formin, setjið sitthvora tsk eða msk af hnetusmjöri í mitt formið og svo hellið rest af deigi yfir. Bakið á 190 gráður í 10-12 mínútur.

Látið kólna. Notið hníf til að losa kökuna frá hliðum formsins og setjið á disk. Setjið smá fínmalaða strásætu yfir og berið fram með þeyttum rjóma.

Það er örugglega líka mjög gott að setja heslihnetusmjör eða núggat í stað hnetusmjörsins.

Súkkulaði mjólk

Ég er mjólkurfíkill. Ætli mjólkurfíkninn hafi ekki komið þegar ég var þunguð af elsta barninu. Ég vaknaði um miðjar nætur og þambaði mjólk beint úr fernunni. Það var ekki ein ferna eða tvær heldur nokkrar. Og þegar barnsfaðir minn vaknaði um morguninn þá var búið að raða fallega tómum mjólkurfernum á eldhúsborðið. Mjólkur löngunin var ekki bara á næturnar. Í skólanum átti ég það til að hlaupa eins og vindurinn í sjoppuna og kaupa mér litla mjólkurfernu og stúta henni á núll einni. Eða svo segja vinkonur mínar.

Ekki má gleyma piparkökur og íssköld mjólk eða bara köld mjólk með hvaða smákökum sem er! 

Ohhh það er himnaríki sú samsetning. En ég hef verið dugleg að láta mjólkina vera og hún er meira svona spari spari. En svo gerist stundum að maður sullar hinu og þessu saman í eldhúsinu að búa eitthvað til og í dag varð það mjólk og svo var sullað meira og súkkulaðimjólk varð til.

Súkkulaði mjólk

450ml möndlumjólk

80ml rjómi

1msk ósykrað kakó

10-15g sukrin (smakkið til)

2-3 dropar af Via-Health súkkulaði stevíu

Setjið í hristara og setjið lokið á. Hristið vel þar til blandað og smakkið. Setjið frekar minna af sætu en meira til að byrja með og smakkið til. Hellið í tvö glös eða bara eitt stórt glas.

Bounty bitar

Eftir gott sumarfrí á nýja fellihýsinu og jeppanum þar sem við fjölskyldan eltum sólina hringinn í kringum landið erum við að njóta þess núna að taka því rólega heima. Bakstursgleðin hefur líka tekið gott frí og hef ég haft föndurþörf mikla og það aðalega úr tjulli. Nú er ég svo að fara í það að breyta uppáhaldshæla skónum mínum í glimmerskó og svo að prófa að búa til sjálf kökudiska úr ódýru hráefni. Já DIY (do it yourself) æði er búið að hellast yfir mig. Í dag byrjaði bakstursgleðin svo að taka á sig mynd og fullt af hugmyndum komnar í hausinn sem vilja brjótast út.

Bounty bitar.

80ml kókosolía

100ml kókosmjólk (þykkari hlutinn)

80ml kókosolía

100ml kókosmjólk (þykkari hlutin

110g sukrin melis 

250g kókos 

15 dropar kókos stevía

 um 200g sykurlaust súkkulaði 

Kókosolía og kókosmjólk eru hituð í potti ásamt stevíu. Takið af hellu þegar vel blandað saman. Bætið út í sukrin melis og kókos og blandið vel. Formið í litla bita og kreistið frá vökva ef þess þarf. Setjið bitana í kæli í 20 mín eða frysti í 10 mín og dýfið svo í brætt súkkulaði. Látið harðna á bökunarpappíri.  Gott að geyma í kæli.

Heimagerðir Sykurmolar

Baksturs gleðin heldur áfram að hrjá mig núna enda ekkert veður sem ég sækist í úti. Við mæðgur ákváðum að prófa að búa til okkar eigin sykurmola í dag með að nota sukrin. Ég man þegar maður var krakki þá var alltaf skál með sykurmolum í eldhúsinu hjá ömmu og afa og það var svo gaman að næla sér í einn mola jahh eða svona meira eins og átta. Ég var búin að sjá myndir af heimagerðum sykurmolum á pinterest og fannst þetta svo hrikalega krúttað að mig langaði að athuga hvort þetta virkaði á sukrin líka. Þetta er sætt í teboðinu eða bara sem skraut í eldhúsinu sem hægt er að stelast í án þess að hafa áhyggjur af tannheilsunni.

Heimagerðir sykurmolar

100g sukrin

2tsk vatn

nokkrir dropar af bragðefni ef þess er óskað

gel matarlitur ef óskað er

Setjið sykur í skál og byrjið að blanda matarlitinn við sykurinn. Setjið tsk af vatni út í og blandið og svo seinni tsk. Setjið bragðefni ef þið óskið út í og blandið veSetjið á bökunarpappír og þrykkjið niður með sleif. Notið lítið kökumót til að skera í mola og setjið til hliðar á bökunarpappírnum. Kveikið á ofninum og setjið á 60 gráður. Setjið molana í ofninn í ca 10 mínútur og hafið hurðina hálf opna á meðan. Fylgjast þarf með að sykurinn bráðni ekki en hann á að vera harður og hægt að halda á þegar hann er tilbúin. 

Synir mínir gáfu mér svo sniðugt kökuform þegar þeir komu frá útlöndum en það 

gerir það hægt að festa kökurnar á sjálfan bollan :)

Núggatfylltir konfektmolar

Veðrið er enn yndislegt hér í höfuðborginni. Í staðin fyrir að vera fá sér sorbet eða kalda drykki þá er ég í vetrarskapi og fæ mér konfekt mola. Þessir eru einfaldir og varla þörf á uppskrift en hér eru upplýsingar hvernig ég geri þetta.

Núggatfylltir konfektmolar

1 plata af sykurlausu súkkulaði

1/2 uppskrift af núggati, uppskrift hér

4-6 dropar af súkkulaði stevíu (valfrjálst)

Konfektform

Bræðið súkkulaðið yfir heitu vatnsbaði. Bætið við súkkulaði stevíu ef þið viljið. Mér finnst koma betra súkkulaði bragð af súkkulaðinu ef ég bæti stevíu út í. Setjið súkkulaði í formin. Bara smá til að pennsla botninn og hliðarnar. Setjið formið í frystinn í 5-10 mínútur. Endurtakið og setjið aftur í frystinn. Setjið litla núggat kúlur í formið og fyllið formið svo með súkkulaði. Setjið aftur í frysti í 5-10 mínútur og fjarlægið svo úr formunum. Ef þið eigið ekki form getið þið formað núggatið í kúlu eða kassa og hjúpa það með súkkulaði. Mér finnst líka gott að strá smá salti, lakkrísdufti eða hnetukurli ofan á molana mína.

Frozen bollakökur

Það er auðvitað Pollapönk dagar núna en það er alltaf Frozen partý á mínu heimili, 24/7. 

Börnin syngja lög úr myndinni, þó aðallega dóttir mín og leikið er atriði úr myndinni einnig. Stundum koma tímabil þegar við tölum ekki saman heldur syngjum það sem við þurfum að segja við lögin. Ég sjálf er mjög skotin í snjókarlinum Olaf sem elskar hlý knús og sumar :)

Og af því það er föstudagur og ég er í stuði þá ákváðum við að föndra aðeins og baka.

Frozen bollakökur búnar til með það sem var til heima.

Pinnarnir 

Prentaði út myndir af karakterum úr myndinni og notaði svo glas til að gera hring og klippa út. 

Átti svo inni í skáp notaðan gjafapappír (já ég geymi gjafapappír) og notaði svo aðeins stærra glas til að útbúa annan hring og klippa út.

Ég átti ekki lím svo ég notaði kennaratyggjó til að festa myndina og silfurpappírinn saman og svo átti ég sleikjó pinna úr allt í köku sem ég festi með.

Ég fann þessa flottu mynd af Olaf á netinu þar sem hægt er að prenta út og klippa út. Ég er rosalega hrifin af Olaf. Ég elska að horfa á ensku útgáfuna af Frozen bara út af Olaf :)

Þið finnið úrklippu Olaf hér.

Kökurnar sjálfar eru úr kökumixi frá funkjonell.

Ég notaði hálft mix og setti um 10 stevíu dropa út í mixið.

Setti deigið í um 10 muffinsform og bakaði í um 20 mínútur.

Kremið

220g mjúkt smjör

200g sukrin melis

4 msk möndlumjólk

20 dropar Via-Health vanillu stevía

1 tsk vanillu eccense

Blár matarlitur

kókos fyrir skraut.

Þeytið smjörið í um það bil 5 mínútur. Skiptir máli til að kremið verður ekki kekkjótt

Bætið sukrin melis smátt og smátt við ásamt stevíu og eccense.

Í lokin setjið þið bláan matarlit eftir hentugleika.

Skúffukaka

Ég setti óvart inn á dísuköku síðuna mína á fésbókinni mynd þar sem ég tjáði að ég væri búin að finna skothelda skúffuköku uppskrift. Þessi póstur átti að fara á mitt persónulega fésbókarvegg en stundum þá er maður ekki að fylgjast með. En þar sem svo margir vilja uppskriftina get ég ekki annað en deilt með ykkur. Þetta er lítil uppskrift sem passar í lítið form stærð 20x20 en ekkert mál að tvöfalda hana.

Ég persónulega þurfti þess ekki. Ein sneið mettar vel.

Skúffukaka

50g kókoshveiti

130g Sukrin

110g smjör

120 ml kaffi eða vatn

2 msk sykurlaust kakó (ég nota Hersey´s)

3 stór egg

6 msk sýrður rjómi

1 tsk vanillu extract

1 tsk matarsódi

Krem

50g smjör

1 msk kakó

50g Sukrin melis

2 msk möndlumjólk

1/2 tsk vanillu extract

Sigtið kókoshveiti í skál og bætið við sukrin og blandið vel saman.

Í pott setjið smjör, kaffi og kakó og bræðið saman og setjið svo í skál með kókoshveiti og sukrin. Hrærið vel saman. Restin af hráefnum bætt við. Smyrið 20x20 cm form með smjöri eða pamspreyi og bakið við 200 gráður í ca 20 mínútur.

Krem

Á meðan kakan er í ofninum er kremið útbúið.

Smjör, kakó, möndlumjólk og vanillu extract sett í pott og látið bráðna á vægum hita. Í lokin er sukrin melis bætt við og blandað vel við. Látið standa heitt þar til kakan er tekin úr ofninum.

Setjið kremið á heita kökuna og látið kólna. Stráið kókos yfir kökuna. Skerið ekki kökuna fyrr en hún er alveg orðin köld.

Bombu molar

Það hefur farið lítið fyrir blogginu síðustu vikur. Það fór mikil orka í að búa til nýjar uppskriftir til að gera fyrir bókina og ég var í ham og er komin langt á veg. Alexander Gauti minn varð 8 ára í gær og var fagnað með fjölskyldunni um helgina. Ákvað að slá tvær flugur í einu höggi og baka sykurlaust fyrir afmælið og prófa mig áfram með ýmsar uppskriftir. Ég var á síðustu stund að fá fullt af hugmyndum og tveimur tímum fyrir veisluhöld fékk ég hugmynd hvernig ég gæti gert lagtertu og auðvitað varð ég að prófa það. Ég held að ég hafi farið með eggja og rjóma met í eldhúsinu þessa daga sem ég bakaði fyrir afmælið.

Ég vil líka nota tækifærið að þakka öllum þeim fyrirtækjum sem eru að styrkja mig með vörum svo ég get bakað fyrir komandi bók.

Via-Health stevía 

Sukrin

H-Berg

Nú er bara að redda sér hænum ;)

Ég hef varla stigið fæti inn í eldhús síðan og fékk bara nóg af bakstri í bili. Hef varlað opnað excel skjalið með hugmyndum og öllum uppskriftum sem ég er vön að skoða og endurbæta hundrað sinnum á dag en þetta hefur verið ágætis hvíld.

Ég elska að eiga eitthvað til að narta í og þessar eru ótrúlega góðar til að eiga í fyrstinum og dugar fyrir mig að fá mér einn mola til að slökkva á nartþörfinni en ég vara ykkur við, þetta er fitubomba dauðans en með hollri og góðri fitu ;)

Bombu molar

1 bolli kókosolía

3 msk sykurlaust kakó (ég nota Hersey's)

2 msk hnetusmjör

15 dropar original Via-Health stevía

Kókosolía hituð í potti á.  Setjið þrjár skálar á borðið og deilið kókosolíunni á milli þeirra jafnt. Í fyrstu skálina er kakó blandað við, í skál nr 2 er hentusmjör hrært við og í þá 3 stevíudropar. Blandið hráefnum í hverri skál vel saman með skeið.

Notið lítil konfektform og setjið fyrst hreinu kókosolíuna í formin (fjöldi fer eftir stærð á formum en ég fékk um 14 mola úr mínu). Setjið í frysti í 10 mín. Því næst er hnetusmjörsblandan sett í formin og aftur sett í frysti í 10 og í lokin er súkkulaðið sett í formin og enn og aftur inn í frysti og best að geyma molana þar.

Sumardraumur

Ohh vorið er komið, nei nú er komin snjókomma, nei sko! Sól, æji rigning!

Já svona ekta íslenskt veður þessa vikuna :) En ég er virkilega farin að þrá sumar og sól. Börnin líka, þau bíða spennt eftir að komast út léttklædd að leika. Þegar biðin er löng finnst mér hrikalega gott að útbúa góða drykki sem minna mig á sumar og sól. Síðustu vikur hefur því nýji yndislegi blandarinn minn fengið að sýna krafta sína í eldhúsinu og ýmsir drykkir búnir til. Mjólkurhristingar, bæði vanillu og súkkulaði. Hnetusmjörs bomba er sjúklega góður drykkur en þetta fer allt að sjálfsögðu í bókina sem er í bígerð ;)

Þessi varð svo til áðan þegar ég var að baka. Opin kókosmjólkur dós og frosin jarðaber í frystinum. Ekki þörf á klaka og tók 3 mínútur að útbúa. Sjúklega góður. Börnin voru ekki lengi að taka fram rör og skála fyrir komandi sumri :) Þessi uppskrift dugar í fyrir tvo.

Sumardraumur.

1 dós kókosmjólk, 400 ml

10 frosin jarðaber 

2 msk sukrin melis

Frekar einfalt og fljótlegt. Setja allt í blandara og mauka þar til silkimjúkt. Ég setti svo tvö frosin jarðaber ofan í sem klaka. Börnunum finnst gott að borða hálf frosin jarðaber :) Skiptið út jarðaberjum fyrir bláber eða hindber eða blandið saman :)

Núggat fylltir kransakökubitar

Ég er nú ekki mikið fyrir kransakökur eða marsipan en ég hef lúmskt gaman að gera uppskriftir sem höfða ekki endilega til mín. Eins og með sörurnar. Þegar ég gerði sykurlausu sörurnar í fyrra var það í fyrsta skipti sem ég gerði sörur á ævinni og satt að segja man ég ekki sérstaklega eftir því að hafa smakkað sörur.  En núna styttist í fermingar og því fylgir mjög oft kransakökur. Því fór ég að skoða internetið og sá að það er bara mjög auðvelt að útbúa marsipan. Ég ákvað svo að setja saman mína uppskrift af þessu. Ætli það hafi ekki verið núggatið sem náði svona vel til mín. Ég er núggat fíkill og í gærkvöldi þegar ég var að smakka á núggatinu ómæ. Alexander kom hlaupandi eins og vindurinn til að athuga hvað væri svona hrikalega gott í eldhúsinu og við átum núggatið með skeið. Yndisleg mæðgna stund sem það var :)

Þetta er lítil uppskrift en auðvelt að tvöfalda eða þrefalda hana.

Núggat fylltir kransakökubitar

6-8 bitar

100 g hýðislausar möndlur

1 eggjahvíta

2 msk sukrin melis

6 dropar via health original stevía

nokkrir möndludropar fyrir þá sem vilja

Setja möndlunar í blandara eða matvinnsluvél og hakka þær í fíngert möndlumjöl. Setja í skál og bæta rólega við eggjahvítunni og sætuefnum. Ef eggjahvítan er stór gæti þurft aðeins meira af möndlumjöli. Þegar þú ert búin að blanda þessu öllu vel saman ertu komin með góða marsipan kúlu. Skiptu henni í tvennt og geymdu í kæli með álpappír eða plasti yfir í klukkutíma. 

Takið út og rúllið marsipaninu í ca 15-20 cm lengjur. setjið á bökunarpappír og fletjið lengjurnar niður og skerið hverja lengju í 3-4 bita. 

Skerið núggatið í litla bita og setji í miðjuna á hverju marsipan bita. Lokið svo yfir núggatið með marsipaninu og formið eftir ykkar höfði :) Setjið á bökunarpappír og inn í ofn sem er 200 c heitur í cirka 8 mínútur. Látið alveg kólna áður en sett er glassúr yfir. Ég setti smá vatn í bolla og setti sukrin melis þar til það varð nógu þykkt. Hægt að bragðbæta glassúrin með stevía dropum.

Núggat

50 g sykurlaust mjólkursúkkulaði

50 g hesslihnetusmjör (ég notaði frá monki)

Sejtið í skál og bræðið yfir vatnsbaði. Hrærið vel í með skeið þar til alveg blandað saman. Setjið í box eða ílát sem má fara í frysti og frystið í ca 30 mínútur. Skerið núggat í litla bita og setjið í marsipan. Borðið afganginn með bestu lyst :)

Karamellu draumur

Það er ekki margt sem er skemmtilegra en að hitta stór fjölskylduna í afmælisboðum. Um helgina var eitt afmæli og allir hressir og kátir og mikið helgið og spjallað. Það sem einkennir kannski umræðu efni hjá okkur er matur. Engin pólitík eða hvað er að gerast í heiminum heldur matur. Sem dæmi þá var örugglega eytt 40 mínútum bara að tala um grjónagraut og hrísgrjón. Við tókum ekki eftir þessu fyrr en einn frændi minn sagði, við erum búin að vera tala um grjónagraut í 30 mínútur og þar á undan var talað um sushi! Ég hélt að þetta væri bara normið og svona væri í öllum fjölskyldum, sem mér finnst svo sorglegt að sé ekki ;) Þegar ég borða morgunmat, er ég strax farin að huga að næstu máltíð og í hádeginu þá er huginn við kvöldmatnum. Og mér finnst fátt skemmtilegra en að flétta matreiðslubókum eða vafra á netinu að skoða uppskriftir.

Ég elska karamellu og hef saknað hennar. Jú náði að gera gómsæta karamellu fudge en ég vil mjúka karamellu sem ég get sett á ís, kökur eða fyllt konfekt með. Og svo ákvað ég að prófa að nota afganga  og viti menn þessi virkaði!

Karamellu draumur

1 dós kókosmjólk

20 g smjör

60 g sukrin gold

6 dropar Via-Health karamellu stevía

Allt sett í pott eða pönnu með teflon helst. Látið bráðna og svo malla á meðalhita. Hræra á nokkra mínútna fresti. Þegar hún er farin að þykkna er karamellan tilbúin og sett í krukku :) Getur tekið frá 30-40 mínútur. Þessi kristallast ekki þegar hún kólnar ef hún er geymt í lokuðu íláti og er ljúffeng.

Avocado kókos búðingur eða ís ;)

Svona þegar maður fær algjört ógeð af rjóma og súkkulaði eftir bolludaginn þá mæli ég með að þið skellið í einn avocado kókos búðing/ís. Hann er góður sem búðingur og hann er einnig æðislegur sem ís. Þessi gerist varla hollari.

Avocado kókos búðingur

220 g avocado eða um 1 avocado

200 g kókosmjólk

70 g rjómi eða kókosmjólk

50 g sukrin melis

4 dropar Via-Health kókos stevía

1 msk lime safi

salt klípa

Setja allt í skál og mauka með töfrasprota. Ef á að útbúa ís er sett í frysti í ca 1-1,5 klt. Skreytið með kókosflögum :) 

Fylltar kjúklingabringur

Ef þessi máltíð er ekki mettandi og ljúffeng þá veit ég ekki hvað. Ég elska þegar Jónbi er heima og við stöndum saman í eldhúsinu og eldum og prófum nýja hluti. Best er þegar galdrað er fram eitthvað með því sem er til í ísskápnum. Það er bara ekki eins gaman að elda þegar hann er ekki heima. Það verður ótrúlega ljúft að fá hann heim for good fljótlega :)

Fylltar kjúklingabringur

4 kjúklingabringur

Basil Pestó 

(var með frá Stonewall Kitchen)

Mozzarella ostur, ein kúla

Hvítlauksolía 

(var með Roasted Garlic oil frá Stonewall Kitchen)

Krydd eftir smekk

Snyrtið bringurnar og skerið rauf í bringuna annað hvort ofan á eða á hliðinni. Setjið um 2-4 tsk af pestói í hverja bringu eftir stærð og smekk. Skerið mozzarella ostin í sneiðar og setjið í raufina. Kryddið með salt og pipar eða kjúklingakryddi.

Setjið bringurnar í eldfastmót með olíu í botninum. Ég setti vel af hvítlauksolíu. Setti álpappír laust yfir mótið og setti ofn sem var á 200 gráðum og hafði í 30 mínútur. Þá tók ég álpappírinn af og stráði smá rifnum osti yfir og hafði í 10 mínútur í viðbót.

Meðlætið var blómkál og sveppir steiktir upp úr hvítlauksolíu. Skar blómkálið í litla bita og setti í eldfastamótið með kjúklingabringunum og stráði smá af salti yfir. Þegar ég stráði rifnum osti yfir kjúklinginn setti ég líka yfir blómkálið. Sveppir voru skorin í sneiðar og steikt í nokkrar mínútur upp úr hvítlauksolíunni.

Sósa var piparostur og rjómi brætt saman í potti :)