Kanilís

Kanill er eitt af mínu uppáhaldskryddum í desember mánuðum og finnst mér gaman að setja hann í hinar ýmsu uppskriftir. Hér er ég með kanilís uppskrift sem er einstaklega hátíðleg ;)

Kanilís

2dl rjómi

2 eggjarauður

50g Sukrin Melis

1/2-1 tsk kanil, smakkið til

Eggjarauður og Sukrin melis þeytt vel saman og sett til hliðar.

Rjómi þeyttur til hálfs og eggjarauður og Sukrin sett í skál með rjóma og blandað saman. Í lokin er kanil settur út í, 1/2tsk og smakkað til.

Hveitislausar beyglur

Beyglur

200g möndlumjöl

280g rifin ostur

60g rjómaostur

2 egg

1tsk lyftiduft

sesamfræ

krydd t.d oregano eða pizzakrydd fyrir þá sem vilja

Möndlumjöl og lyftiduft blandað saman og set til hliðar.

Pískið eggin vel saman og ef þið ætlið að krydda beyglurnar, setjið kryddin með eggjunum.

Rjómaostur og rifin ostur sett í skál og inn í örbylgjuofn í 2 mín. 

Takið út og hrærið vel saman. Ef osturinn er ekki alveg bráðnaður, setjið aftur í örbylgju í smá stund og endurtakið.

Möndlumjöl og egg bætt við ostinn og blandið mjög vel saman. Ef það verður erfitt, setjið aftur í örbylgju í 10 sek og hrærið í. Endurtakið ef þess þarf þar til deigið er vel blandað saman.

Skiptið deiginu í 6 hluta og rúllið út með blautar hendur og útbúið hring á bökunarpappír svo úr verður beygla. Stráið sesamfræjum yfir.

Bakið á 180 gráðum í 12-15 mín eða þar til gylltar.

Borðið heitar.

Gott er að frysta beyglurnar og skera í sundur og rista.

sykur og hveitislaus lagkaka

Fyrir tveimur árum síðan var ég að baka með krökkunum mínum rúllutertu. Þegar botninn var komin úr ofinum og ég að setja kremið á þá einhvern vegin datt í kollinn hjá mér að auðvelt væri að búa til lagköku úr uppskriftinni með smá breytingum.

Ég var fljót að henda í nýjan skammt og útbúa lagköku og hún slá heldur betur í gegn hjá börnunum og jú hjá mér líka ;)

Lagkaka

3 egg - aðskilja rauður og hvíturnar

100 g  rjómaostur 

2 msk möndlumjöl

1 tsk vínsteinslyftiduft eða venjulegt lyftiduft

salt klípa

30 g sukrin melis

2-3 msk brúnkökukrydd

Stífþeytið eggjahvíturnar ásamt lyftidufti og salt klípu. Þeytið hitt hráefnið í annarri skál. Bragðið á til að finna hversu mikið brúnkökukrydd þið viljið. Bætið eggjahvítum varlega saman við seinni skálina. Dreifið á olíuborinn bökunarpappír eða smjörpappír sem fyllir heila ofnskúffu. Bakið við 175 gráður í 10-15 mínútur.

Krem:

100 g smjör

80 g sukrin melis

1 msk vanilluextract eða dropar

Þeytið smjörið ásamt örlítlu af sukrin melis. Bætið smátt og smátt meiru af sætu út í og síðast setjið þið vanilla extract eða vanilludropa í kremið.

Skerið deigið í sex jafnstóra bita. Smyrjið kremi á einn bitann, setjið síðan lag yfir og endurtakið þar til úr verður þrjár hæðir. Setjið kökurnar í álpappír og geymið í kæli.

Ostakaka með piparkökubragði

Þegar börnin koma með hugmyndir af nýjum uppskriftum þá reynir maður að finna leið til að þær rætist. Dóttirin vildi fá köku með piparkökubragði, helst osta en mátti líka vera skyr.

Mér fannst það bara góð hugmynd og því varð úr þessi uppskrift :)

Eiginmaðurinn stal svo kökunni með í vinnunna og skilst mér að þar hafi hún klárast fljótt :)

Botn

100g smjör

120g möndlumjöl

3msk Sukrin Gold

1msk kanil

Bræðið smjör í potti.

Bætið við öllu hráefninu í pottinn og blandið vel saman.

Setjið í 20 cm silicon eða springform (ef springform, spreyið með olíu eða smyrjið formið með bræddu smjöri fyrst).

Þjappið  botninum vel niður og  aðeins upp með hliðum.

Bakið á 170 gráðum í ca 10-12 mínútur eða þar til gyllt.

Kælið.

Fylling

250g rjómaostur

70g Sukrin Melis

1tsk vanillu extract eða dropar

3dl þeyttur rjómi

3msk Fibersirup Gold

2tsk kanil

1tsk negull

1tsk engifer

Rjómaostur og sukrin melis hrært vel saman. Bætið við vanilla, Fibersirup Gold og kryddi. Í lokin er þeyttur rjómi bætt við og öllu blandað vel saman.

Setjið yfir botninn og frystið í 2- 3 klukkutíma.

Piparmyntu mokka

Ég er svo mikið jólabarn en ég næ svona að mestu að springa ekki út í jólafagnaði fyrr en um miðjan nóvember. Það var samt ansi fyndið þegar elsti minn hringdi í mig frá Akureyri í gær og maður heyrði í jólalögunum í bakgrunninn. Alveg eins og móðir sín ;)

En þó að jólin eru ekki aaalveg komin þá er samt voða gott þegar veturinn er skollinn á og kuldin farin á stjá að fá sér góðan drykk sem er í stíl við árstíðina.

Hér er uppskrift af einum drykk sem lætur mann hlakka til jóla.

Piparmyntu mokka kaffi

Hráefni

350ml kalt kaffi 

125ml möndlumjólk eða rjómi

 2tsk ósykrað kakó

 2msk sukrin eða 1,5msk sukrin melis

 1/2-1 tsk piparmyntudropar

Aðferð

Setjið allt í blandara og blandið vel saman.

Hellið í tvö glös.

Setjið þeyttan rjóma eða þeyttan kókosrjóma og örlítið af sykrlausu rifnu súkkulaði.

Ef þið viljið þykkari drykk, stráið örlítið af Xanthan gum

 í blandarann með hráefninu, 1/8 af tsk ca.

Kókoskökur

Kókoskökur

85g kókosmjöl

25g brætt smjör

20g sukrin melis

1/2tsk vanillu extract eða dropar

1 eggjahvíta.

Blandið öllu saman í skál.

Búið til 10 kúlur og setjið á bökunarpappír.

Fletjið kúlurnar út með fingrum eða gaffli.

Bakið á 175 gráður í 15 mín. eða þar til gylltar.

Vanillu ostakaka

Erfitt hefur verið fyrir mig að dröslast inn í eldhús og útbúa eitthvað gott með kaffinu. Ég er alltaf með fullt af hugmyndum af girnilegum mat/eftirréttum en það er víst ekki nóg heldur þarf einnig að framkvæma.

Þar sem það er föstudagur er um að gera að vera í baksturshugleiðingum fyrir helgina.

Hér er uppskrift af sykurlausri vanillu ostaköku. 

Já ég er dáldið mikið fyrir ostakökur ;)

Vanilluostakaka

Botn:

100 g smjör 

120 g möndlumjöl

 2 msk. sukrin gold 

Bræðið smjör í potti ásamt möndlumjöli og sukrin gold. Blandið vel saman.

 Dreifið á bökunarpappír og bakið á 180 gráðum í 5 mínútur eða þar til botninn er orðinn gullinbrúnn. Látið kólna, myljið niður og setjið í springform með bökunarpappír á botninum.

Fylling

200 g rjómaostur

 2 egg - aðskilja rauður og hvítur 

2 dl rjómi 

80 g sukrin gold

 1 tsk. vanilluextrakt

 ½ vanillustöng

Stífþeytið eggjahvítur ásamt fræjum úr vanillustöng. 

Rauðurnar eru þeyttar ásamt rjómaosti, sukrin gold, vanilluextrakti.

 Rjóminn er þeyttur; öllu er blandað saman og dreift ofan á botninn. 

Sett í frysti í 2-3 klst. Skreytið með bræddu súkkulaði eða hnetum.

Eggja muffins

Hentugar í nestisboxið eða sem morgunmatur.

Hægt að gera margar og frysta og hita svo í örbylgju ;)

Svo er um að gera að leika sér með innihaldið. Nota það sem til er í ísskápnum hverju sinni og nota afganga.

2 egg

 30 g rifinn ostur 

15 g beikon, skorið í litla bita 

2 pepperonisneiðar, smátt skornar 

nokkur spínatlauf, smátt söxuð 

salt og pipar eftir smekk

 steinselja

Eggin sett í skál og pískuð vel. 

Kryddað eftir smekk með salti, pipar og steinselju. 

Hitt hráefnið sett í skál og hrært vel saman.

 Sett í múffuform úr sílíkoni. 

Gott að nota gaffal til að hræra í hverju formi til að gæta þess að allt blandist jafnt í formunum.

 Bakað við 180 gráður í ca. 15 mínút

Pekanhnetubaka

Hér er ein uppskrift sem er tilvalin fyrir hvaða dag vikunnar og er tilvalin á bloggið hjá mér þar sem afmæli eiginmannsins er í lok vikunnar og er þetta eitt af því fáu sem ég hef bakað sem hann gúffaði í sig en hann er ekki mikið sætindamaður.  Sorglegt að ég hef ekki bakað hana síðan. Hver veit nema ég skelli í eina um helgina ;)

Botn

130g möndlumjöl

1/2tsk matarsódi

50g smjör

3msk sukrin gold 

Blandið þurrefnum saman í skál. Bræðið smjör og bætið því við.

Setjið í 20-22cm hringform (mér finnst best að nota silikonform, annars þarf að pennsla með bræddu smjöri eða olíu)

Þrýstið botninum vel niður í formið og upp með hliðunum.

Bakið í u.þ.b. 10 mínútur við 175 gráður.

Fylling

100g sukrin melis

2msk sukrin gold

2 stór egg

2msk möndlumjólk eða rjómi

1msk möndlumjöl

1tsk vanillu extract eða dropar

100g saxaðar pekanhnetur

(geymið nokkrar heilar til að skreyta)

Egg, sukrin melis og sukrin gold pískað vel saman.

Hinu hráefninu er bætt út í og blandað vel saman.

Setjið í formið og skreytið með pekanhnetum.

Bakið á 160 gráðum í 30 mínútur án blásturs.

Setjið álpappír lauslega yfir bökuna og bakið áfram í 20-30 mínútur til viðbótar.

Er best beint úr ofninum með þeyttum rjóma.

Lakkrís skyrterta

Ok.....þessi uppskrift varð til í gær í vinnunni.

Að sjálfsögðu breyttist hún svo eitthvað þegar maður var komin heim og byrjaður að blanda saman hráefnum en ég verð að segja að þetta heppnaðist ljómandi vel þó ég segi sjálf frá ;)

Hún er ótrúlega auðveld að útbúa og mæli ég með því að skella í þessa.

Lakkrís skyrterta

Botn

120g möndlumjöl

60g smjör

1msk sukrin gold (má sleppa)

1msk ósykrað kakó

2msk kókosmjöl

Bræðið smjör í potti og bætið svo við rest af hráefnum og blandið vel saman.

Setjið í 20cm silikonform og þrýstið og dreifið jafnt yfir botninn á forminu.

Bakið á 180 gráðum í 5 mínútur og látið kólna.

Fylling

400ml vanillu skyr.is

300ml rjómi

1msk Johan Bulow raf lakkrísduft eða annað lakkrísduft

50g sykurlaust dökkt súkkulaði (má sleppa)

3 matarlímsblöð

Þeytið rjómann.

Hrærið skyrinu við.

Saxið niður súkkulaðið og hrærið út í ásamt lakkrísduftinu.

Bræðið matarlím í potti ásamt 2msk vatni.

Látið kólna örlítið og hrærið varlega við.

Hellið fyllingu yfir botninn og setjið í frystinn í 1.5-2klst.

Fjarlægði tertuna úr forminu á meðan hún er frosin, setjið á tertudisk og geymið í kæli.

Ef þið viljið ekki nota matarlím eða eigið það ekki til, er hægt að sleppa því og setja botninn í eldfast mót og fyllinguna svo yfir.

Hnetuþruman

Ég og synir mínir deilum því að elska hnetur og hnetusmjör.

Dóttir mín og eiginmaður deila þessu ekki með okkur.

Jú eiginmaðurinn getur alveg fengið sér hnetur og hnetusmjör en finnst það ekki ómissandi eins og við. Dóttir mín vill ekki sjá hnetur. Þær eru ógeðslegar. Nú, þá er bara meira fyrir okkur hin.

Ég fékk um daginn gefins 1kg af hnetusmjöri. Yngri sonur minn ljómaði af gleði. Mætti halda að það hafi verið jól hjá honum. Eldri sonurinn fékk senda mynd af hnetusmjöri og var öfundsjúkur.

Það sem mér fannst betra við þetta hnetusmjör en það sem ég er vön að kaupa er hversu mjúkt það er. yfirleitt þarf ég að taka skeið og hræra olíunni í smjörið til að geta tekið það úr krukkunni og oft er það of hart í baksturinn.

Þetta hnetusmjör hentar því vel í bakstur og í búst. Skal líka alveg viðurkenna að stundum leynist ein og ein skeið ofan í dolluna og upp í mig.

Hér er góð uppskrift af hnetusmjörsdrykki sem við fáum okkur stundum.

250ml möndlumjólk

2bollar klakar

2msk hnetusmjör

1tsk kókoshveiti

2msk rjómi (má sleppa)

1msk sukrin gold

Setjið allt í blandara og blandið í u.þ.b. 2 mínútur.

Hellið í tvö glös og skreytið jafnvel með þeyttum rjóma og hnetukurli.

Chili kakó

Flensan búin að segja til sín hjá mér.

Hósti, hæsi, hiti og beinverki. Þá er gott að fá sér eitthvað gott í hálsinn.

Ég er mjög hrifin af þessu chili kakói.

Jú kannski jólalegt en alveg leyfilegt allan ársins hring. 

250ml möndlumjólk

200ml rjómi

1tsk vanillu extract eða dropar

50g sukrin

3msk ósykrað kakó

1/2tsk kanill

1/2tsk chiliduft

Möndlumjólk, rjómi og vanilla er sett í pott og hitað upp í suðu.

Á meðan er þurrefnunum blandað saman í litla skál.

Setjið þau út í þegar suðan er komin upp og hrærið vel í þar til

allt hefur blandast saman.

Hellið í tvö glös/bolla og setjið þeyttan rjóma yfir ef óskað.

Jarðarberja ostakaka með hentusmjörsbotni.

Í vikunni er mikið búið að vera að ræða uppskriftir og þar á meðal um bleika ostaköku, semsagt jarðarberja ostaköku.

Fékk því löngun að útbúa eina og bjóða samstarfsfólkinu.

Það kann að hljóma skringilega að vera með hnetusmjörsbotn við jarðarberjaköku.

Ástæðan fyrir að þessi botn var valin er einfaldlega sú að ég útbjó hnetusmjörskökur sem misheppnuðust aðeins og ég vildi ekki henda þeim.

Svo ég muldi þær betur niður og ákvað svo að þær væru fullkomnar í botn á köku.

Ótrúlegt en satt þá kom það bara vel út að hafa jarðarber og hnetusmjör saman.

Jarðarberja ostakaka

Botn:

60 g mjúkt smjör

2 msk  mjúkt hnetusmjör

30 g Sukrin Gold

3 msk Fibersirup Gold

80 g möndlumjöl

Blandið öllu nema smjöri vel saman. Smjör brætt og bætt við.

Þjappið niður í springform, 22-24cm að stærð.

Bakið á 180gráðum í ca 5-7 mínútur.

Kælið botninn áður en fylling er sett yfir.

Fylling:

200g rjómaostur

180g Grísk jógúrt

3dl frosin jarðarber 

(var með kúfað í dl málinu)

3dl þeyttur rjómi

2msk Sukrin Melis

Rjómaostur, grísk jógúrt og Sukrin Melis hrært vel saman.

Þegar jarðarberin voru aðeins farin að þiðna maukaði ég þau með töfrasprota og blandað svo við.

Í lokin er þeyttur rjómi blandaður varlega við.

Setjið fyllingu yfir botninn og setjið svo kökuna í frystinn í ca 3klt.

Fljótlegt hveitilaust brauð!

Sá þessa uppskrift á facebook á LKL síðunni fyrir örugglega tveimur árum og alltaf ætlað að prófa hana en Andrea Rafnar var sú sem póstaði uppskriftinni.

Poppaði hugmyndin aftur upp í hausinn á mér og varð að prófa.

Vildi óska að ég hafði prófað fyrr því þetta var ótrúlega auðvelt og gott!

40g Funksjonell möndlumjöl (verður að vera þessi tegund)

1 egg

1/2tsk lyftiduft

smá salt

krydd eftir smekk. Ítalskt, kúmen eða annað.

Blanda öllu saman og setjið í form sem er á stærð við eina brauðsneið.

Ég notaði box úr IKEA sem ég átti og var á stærð við brauðsneið.

Setjið inn í örbylgju í 90 sek.

Kljúfið í tvennt svo úr verði 2 brauðsneiðar

Ristið og njótið ;)

Hnetusmjörs ostakaka

Elsti sonur minn spyr alltaf þegar hann kemur til okkar hvort hann megi ekki útbúa hentusmjörskökur. Ein af fyrstu sykurlausu uppskriftunum sem ég útbjó og ein sú mest gerða.
Síðustu helgi langaði mig að prófa að útbúa hnetusmjörsostaköku fyrir þá sem dá hnetusmjör allra mest. Ef þú fílar ekki hnetusmjör, þá er þetta ekki kaka fyrir þig ;)

Botn

180g kókosmjöl

2msk kókoshveiti

1 egg

100g kasjúhnetur

60ml kókosolía sem búið er að bræða

2msk Sukrin Gold

1msk vanillu extract eða dropar

Allt hráefni nema egg sett í matvinnsluvél og blandað vel saman.

Egg bætt við.

Smyrjið springform með kókosolíu og þjappið deiginu um botninn.

Ef þið viljið stóra köku og þynnri notið 24-26cm form en ef þið viljið botn sem nær upp með hliðunum og er þykkari, notið 20cm springform.

Bakið í ofni sem er 160g heitur í 20 mínútur fyrir þykkari botninn en bökunartími á þynnri botni myndi ég byrja með 15 mín og baka þar til gylltur.

Fylling

 250g rjómaostur stofuhita

250g þeyttur rjómi

2 góðar matskeiðar af hnetusmjöri

150g Sukrin Melis

1msk vanillu extract eða dropar

Hrærið rjómaost, vanillu og Sukrin Melis vel saman í skál.

Því næst fer hnetusmjörið í blönduna.

Í lokin er það þeytti rjóminn og blandið vel.

Setjið yfir botninn þegar hann er orðin kaldur.

Mér finnst gott að setja ostakökurnar mínar í frysti í klt og svo í kælinn.

Skreytið með þeyttum rjóma og svo skar ég niður próteinstöng sem ég keypti í Bónus og setti yfir rjómann.

Mjúk karamella

Þegar ég var barn fannst mér ekkert eins gott en þegar mamma útbjó heimagerða karamellu.

Mjúk karamella sem maður borðaði beint úr skálinni með skeið og helst að hafa ískalda mjólk með.

Karamelluna lærði mamma að gera hjá sinni mömmu og að sjálfsögðu hélt ég áfram að útbúa hana á tyllidögum þegar ég flutti að heiman.

Versta við þá karamellu er sú staðreynd að hún er útbúin úr sykri, miklum sykri.

Ég hef mikið saknað þess að fá mér karamellu yfir sjónvarpinu á kvöldin þegar þannig liggur á mér.

Mjúk karamella

150ml rjómi

3msk Fibersirup Gold

2msk ósykrað kakó

ögn af salti

Setjið rjóma, Fibersirup Gold og kakó í pott og látið koma upp suðu. 

Látið malla og hrærið reglulega í þar til karamellan er búin að sjóða niður og farin að þykkjast.

Bætið við smá salti.

Setjið í skál og látið kólna

Frábært þegar maður vill eitthvað sætt yfir sjónvarpinu.

Karamellan hentar einnig vel með öðrum uppskriftum.

Karamellu ostakaka Dísu

þessa uppskrift krotaði ég niður á blað í kaffinu í vinnunni um daginn og bíð eftir að hafa tækifæri til að endurgera hana ;)

Karamellu ostakaka Dísu

Botn

60 g smjör

170 g pekanhnetur

1 msk sukrin gold (púðursykur ef þið eruð ekki að forðast sykur)

3 msk kókosmjöl

1 tsk kanil

Setjið hneturnar í matvinnsluvél og vinnið þær í mjöl. Einnig er hægt að hafa botninn grófari og setja hneturnar í poka og berja aðeins með kökukefli.  Var sjálf með grófhakkaðar hnetur í botninum.

Setjið smjör í pott og bræðið.

Bætið við hráefninu ofan í og blandið vel saman. Notið 20 cm springform eða silikonform og setjið botninn í. Ég notaði silikonform og setti botninn í frystinn í korter og tók hann svo úr forminu, setti álpappír ofan í formið og upp með hliðunum og botninn svo ofan á. Þetta gerði ég svo auðveldara yrði að fjarlæga kökuna þegar hún væri tilbúin.

Karamella

250 ml rjómi

5 msk Fibersirup Gold (sykurlaust síróp sem fæst í flestum verslunum) 

Setjið í hæfilega stóran pott og fáið suðuna upp. Lækkið undir hitanum og látið malla þar til karamellan fer að þykkjast. Tekur um 15-20 mínútur

Fylling

250 g rjómaostur 

80 g sukrin melis (flórsykur ef þið eruð ekki að forðast sykur)

1 tsk vanilla extract eða vanilludropar

3 dl þeyttur rjómi

100 g af karamellu (karamellan þarf að vera búin að kólna áður en sett út í)

Þeytið rjómann og setjið til hliðar.

Rjómaostur, sukrin melis, karamella og vanilla extract þeytt vel saman og í lokin er rjóminn varlega blandaður við.

Setjið yfir botninn.

Setjið restina af karamellunni yfir kökuna ásamt pekanhnetum og síðan inn í ísskáp.

Takið kökuna varlega úr forminu og setjið á kökudisk.

Njótið.

 

Kjúklingasúpa Sigurgeirs

Þegar sonur minn kemur á mömmuhelgum suður þá er ýmislegt sem hann vill fá.

T.d. eru hentusmjörskökurnar mínar eitthvað sem hann vill baka í hvert sinn sem hann kemur og það nýjasta er að hann vill fá kjúklingasúpu.

Svo hér er ég með uppskrift sem ég setti saman með því sem til var í ísskápnum

Kjúklingasúpa Sigurgeirs

1 laukur

1 rauðlaukur

1 rauð paprika

2 hvítlauksgeirar

2 dósir af tómötum

1 msk karrý

1 kjúklingateningur

3 kjúklingabringur

1msk Tabasco sósa

150g rjómaostur

pipar og oregano eftir smekk

rifin ostur og sýrður rjómi eftir smekk

Skerið kjúklingabringurnar í bita og steikið á pönnu með íslensku smjöri. Kryddið með salt og pipar ásamt chilikryddi eftir smekk.

Skerið laukinn, paprikuna og hvítlaukinn niður í bita og steikið í potti með olíu og karrý þar til laukurinn er orðin gylltur og mjúkur.

Bætið við tómötum í dós ofan í.

Látið vatn í tómu dósirnar til að skola þær og hellið vatninu í pottinn og bætið við kjúklingateningi og tabasco sósunni. Kryddið eftir smekk með pipar og oregano.

Látið malla í 10 mínútur.

Þar sem á mínu heimili er ekki vilji til að borða súpur með grænmetisbitum, þá mauka ég súpuna niður.

Því næst bæti ég við rjómaostinum og kjúklingnum.

Berið fram í skálar og hver og einn bætir við rifnum osti og sýrður rjóma eftir smekk í sína skál.

Pizzurúlla

Eftir langt hlé frá því að útbúa uppskriftir og baka og elda nýja rétti er ég að detta í gírinn.

Síðustu vikur er ég búin að vera jafna mig eftir aðgerð sem ég fór í og er ég fyrst núna að fá orku til að geta gert eitthvað. 

Samt sem áður þarf ég að passa mig. Ef ég þarf að útrétta eitthvað þá þýðir það að ég hef ekki orku í það að taka til, þrífa eða baka og verð því að forgangsraða eftir dögum hvað ég vil gera.

Þessa uppskrift prófaði ég að gera í gær.

Skemmtilegast við hana er hversu auðvelt er að breyta innihaldi rúllunnar eftir því hvað maður á í ísskápnum :)

Pizzurúlla

4 egg

130g rjómaostur (stofuhita)

1msk Husk

1tsk vínsteinslyftiduft (eða venjulegt)

1msk pizzukrydd

Aðskiljið eggjahvítur og rauður.

Stífþeytið hvítur og setið til hliðar.

Rauður og rjómaostur þeytt vel saman.

Bætið við huski, lyftidufti og pizzukryddi og blandið vel saman.

Í lokin eru hvíturnar bættar við og blandað varlega en vel saman.

Dreifið á smjörpappír svo fyllir næstum allt.

Bakið í ca 10 mínútur á 180g og takið úr ofninum.

Setjið pizzusósu (ég nota sykurlausa frá Hunt's) og dreifið yfir.

Setjið álegg sem þið viljið og svo rifin ost.

Rúllið deiginu upp og setjið aftur inn í ofn.

Stillið ofnin á 200g og bakið í 12-15 mínútur.