Kínóa salat með sætkartöflum

Ég reyni að útbúa mér nesti og taka með í vinnuna. Það koma tímabil sem ég lifi á matnum í matsalnum á Hringbraut. Versta við það er að ég veit ekki hvaða hráefni eru notuð og hvað ég er að setja ofan í mig. Og ekki má gleyma að upphæðin sem er dregin af mér um hver mánaðarmót er fljót að hækka.

Því finnst mér best að útbúa nesti. Ég er með fullt af uppskriftum sem henta í nestisboxið hér á blogginu en mér finnst gaman að útbúa eitthvað nýtt með því sem til er heima.

Í gær ákvað ég því að útbúa kínóa salat sem ég fann á pinterest.

Þetta hentar kannski ekki þeim sem eru mjög strangir á kolvetnin sem þau setja ofan í sig en fyrir okkur sem leyfum okkur góð kolvetni þá gerist þetta varla hollara :)

Mjög einfalt að útbúa og smakkast ótrúelga vel.

Núna á meðan ég skrifa þetta þá bíð ég spennt eftir hádegishléinu svo ég get fengið mér :)

Kínóasalat

1bolli kínóa ósoðið

1 stór laukur

150-200g sætar kartlöflur

100g fetaostur

Setjið tvo bolla af vatni í pott og látið koma upp suðu. Bætið við kínóanu ofan í og látið malla á meðalhita. Í raun er þetta eins og að sjóða hrísgrjón. Sigtið og látið kólna.

Skerið Sætar kartöflur í bita og sjóðið þar til tilbúnar. Mér finnst best að gufusjóða.

Skerið lauk í þunnar sneiðar. Setjið olíu á pönnu og látið hitna. Steikið laukinn þar til orðin gylltur.

Blandið öllu saman og bætið svo rifnum fetaosti út í. Ég nota hreinan fetaost frá MS gott í matinn.

Skreytið svo með smá steinselju.

Chia og rjómaosta pizzabotn

Föstudagar eru pizzadagar heima hjá mér.

Heimagerðar pizzur sem börnin elska að fá að útbúa sjálf.

Ég ákvað um daginn að prófa að útbúa nýja botn fyrir mig. 

Kom á óvart hversu vel hann heppnaðist.

Áferðin kannski ekki eins og venjulegur botn eins og má búast en hann smakkaðist alls ekki illa og mun ég útbúa þennan oftar, enda ótrúlega auðvelt að gera.

Ætli þetta sé ekki aðeins stærri en 12 tommu pizza.

Pizzabotn

1dl chiafræ

1,5dl vatn

125g rjómaostur

1/2tsk hvítlaukssalt

1tsk pizzukrydd

Setjið í hrærivélaskál og blandið öllu vel saman.

Setjið á pökunarpappír og með blautum höndum dreifið úr deiginu.

Deigið er blautt í sér en festist ekki við fingur ef þið eruð búin að bleyta.

Bakið á 175 gráðum í 20 mínútum.

Setjið á pizzusósu, álegg og ost og bakið aftur í ca. 10-12 mín eða þar til osturinn er orðin gylltur.

Kínóa botn með karamellu og rjóma

Á búðarröltinu í vikunni sá ég kínóa puffs (quinoa sem er stærra og eins og búið sé að poppa) á afslætti og ákvað að prófa að kaupa og baka með.

Var búin að lesa að hægt væri að nota það svipað og Rice Krispies í uppskriftir.

Því ákvað ég að útbúa eina tertu með Kínóa botni, saltkaramellu og þeyttum rjóma.

Botn

50g Fibersiróp Gold

50g smjör

60g sykurlaust súkkulaði (var með Valor)

 60g Kínóa puffs

Bræðið smjör og súkkulaði saman í potti.

Bætið við sírópinu og hrærið vel í. 

Í lokin er kínóa puffs bætt út í og blandað vel saman

Setjið í 20cm silikon form og þjappið vel niður.

Kælið í ísskápnum.

Takið úr forminu og setjið á kökudisk áður en karamellan og rjóminn eru sett á.

Karamella

150ml rjómi

3msk Fibersirup Gold
örlítið af saltflögum

Setjið í pott og fáið suðuna upp.

Lækkið undir hitanum og látið malla þar til karamellan fer að þykkjast.

Látið kólna og setjið svo yfir botninn.

Ég þeytti svo um 100ml af rjóma og setti yfir þegar karamellan var orðin alveg köld á kökunni.

Skreytti svo með bláberjum.

Kakan heppnaðist vel þó að mér fannst fyrst skrítið að píta í kínóað. Ég bjóst við að það yrði meira krönsí en var mjúkt undir tönn. Smakkaðist samt vel og börnin borðuðu með bestu lyst.

50g sir60g kínoa

Bláberja ostakaka

Þegar maður er nýbúin að tína dýrindis bláber úr náttúrunni er um að gera að útbúa eitthvað gott 

til að fá sér með kvöldkaffinu eða hvenær dags sem maður vill ;)

Botn

40g smjör

2dl möndlumjöl

2msk kókosmjöl

1msk Sukrin Gold (má sleppa)

1tsk kanil

Setjið smjör í pott og bræðið.

Bætið við hráefnunum og blandið vel saman

Setjið í 20cm springform og þjappið vel niður.

Gott er að bera smá smjör á botninn áður.

Bakið á 175 gráðum í 6-8 mínútur og látið svo kólna

Fylling

2 egg

120g bláber

1msk sítrónusafi

1tsk vanillu extract

120g rjómaostur

1msk Sukrin Melis

Þeytið egg og rjómaost vel saman.

Bætið við restinni af hráefnunum og þeytið vel.

Setjið á botninn á kökunni og bakið neðarlega í ofninum

í 30-35 mínútur eða þar til kakan er orðin föst í sér.

Heslihnetukaka með súkkulaði ganache

Þessi uppskrift er tilvalin fyrir helgina :)

Virkar kannski pínu eins og það sé vesen að útbúa hana en lofa að svo sé ekki.

Bara hlusta á góða tónlist og dilla sér á meðan og áður en þú veist ertu að snæða þér á kökunni :)

Botn

170g sykurlaust Valor súkkulaði

150g smjör eða bragðlaus kókosolía

6 egg (aðskilja rauður og hvítur

100g sukrin eða sukrin gold

150g heslihnetumjöl

Setjið heslihnetur á bökunarpappír og inn í ofn sem er 170 gráður heitur og bakið hneturnar í 5-8 mínútur. Passið að brenna þær ekki. Látið kólna og setjið á milli tveggja viskustykkja og nuddið hýðinu af. Setjið hneturnar í matvinnsluvél eða blandara og útbúið heslihnetumjöl.

Bræðið súkkulaði og smjör saman í pott og látið kólna á meðan þið þeytið hvíturnar stífar.

Eggjarauður og sukrin þeytt vel saman í nokkrar mínútur. Bætið súkkulaðinu við og svo heslihnetumjölinu.

Í lokin eru eggjahvíturnar varlega bættar við.

Smyrjið 20cm bökunarform eða notið silikonform og bakið á 150gráðum með blæstri í klukkutíma.

Ganache

100g sykurlaust Valor súkkulaði

100ml rjómi

Brjótið súkkulaðið í litla bita og setjið í skál. Hitið rjómann að suðu og helli svo yfir súkkulaðið.

Látið standa í 1-2 mínútur og hrærið svo saman þar til vel blandað.

Látið kólna í kæli í 20 mínútur.

Hellið yfir kökuna og stráið svo heslihnetum yfir og berjum eftir smekk.

Bláberjasulta

Í gær fórum við fjölskyldan í berjamó.

Það er í raun alveg ótrúlegt hversu stutt þarf að fara til að finna góð ber.

Við reyndar þurftum aðeins að rölta um til að finna vel þroskuð og góð ber en í eins góðri veðurblíðu eins og í gær var það vel þess virði.

Bláberjasulta

1 bolli bláber

1msk chiafræ

1msk vatn

1/4tsk vanillu extract

1-2msk  Fibersirup Clear

Setjið berin ásamt Fibersiróp og vatni í pott og hitið að miðlungshita.

Hrærið vel í og bætið við chiafræjum og vanillu extract.

Látið malla í fimm mínútur og setjið svo í hreina krukku.

Bláberjasulta

Í gær fórum við fjölskyldan í berjamó.

Það er í raun alveg ótrúlegt hversu stutt þarf að fara til að finna góð ber.

Við reyndar þurftum aðeins að rölta um til að finna vel þroskuð og góð ber en í eins góðri veðurblíðu eins og í gær var það vel þess virði.

Bláberjasulta

1 bolli bláber

1msk chiafræ

1msk vatn

1/4tsk vanillu extract

1-2msk  Fibersirup Clear

Setjið berin ásamt Fibersiróp og vatni í pott og hitið að miðlungshita.

Hrærið vel í og bætið við chiafræjum og vanillu extract.

Látið malla í fimm mínútur og setjið svo í hreina krukku.

Pistasíuís

Helgin er komin og sólin á að skína á okkur flest öll að ég held.

Hér er fljótleg og góð uppskrift af pistasíuís sem er sykur, mjólkurlaus auk þess að vera vegan :)

200ml extra creamy kókosmjólk

170ml möndlumjólk

30ml sykurlaust síróp (má sleppa)

1/8 tsk Xanthan gum

1msk vanillu extract eða dropar

1 poki pistasíur

Setjið allt í blandara og blandið vel. 

Setjið í ísform og fyrstið.

NJÓTIÐ :)

Súkkulaði brownie með salt karamellu

Verslunarmannahelgin komin og farin, sumarið er alveg að fara kveðja okkur og skólar að fara hefjast í lok mánaðarins.

Ég hef voða lítið staðið í eldhúsinu í sumar. Tók fimm daga sumarfrí í Júní og hef svo verið að vinna á fullu í sumar svo ég hef notið þess að vera með fjölskyldunni og eldhúsið er því miður ekki út í garði í sólinni ;)

Bjó til þessar tryllingslega góðu brownies með salt karamellu ofan á um helgina. Hún kláraðist of fljótt því miður. 

Eins auðvelt og það var að útbúa hana, þá var eins auðvelt að klára.

Brownie

2 egg

50g sykurlaust Valor mjólkursúkkulaði

35g smjör

1msk Fibersirup Gold

3msk Sukrin Gold

1msk ósykrað kakó

1tsk vanilluduft

Bræðið súkkulaði og smjör í örbylgju og hrærið þar til vel blandað.

Setjið Sukrin Gold og egg í skál og þeytið vel saman. Bæti súkkulaðinu við og hrærið vel.

Setjið í silikonbrauðform og bakið á 175 gráðum í ca 15 mínútur.

Látið kólna áður en tekin úr forminu.

Karamella

150ml rjómi

3msk Fibersirup Gold

Setjið í pott og fáið suðuna upp. Lækkið undir hitanum og látið malla þar til karamellan fer að þykkjast. Hellið yfir kökuna þegar hún er tilbúin og þegar karamellan er búin að kólna stráið grófu salti yfir.

Rauðrófukaka

Ein góð kaka fyrir helgina.

Hljómar kannski ekki vel þegar maður les rauðrófur og kaka saman en ótrúlega en satt þá er það gott.

Las það að rauðrófur draga fram súkkulaðibragð og því ákvað ég að prófa.

200g rauðrófur

500ml möndlumjólk (má líka vera önnur mjólk)

1.msk vínsteins eða venjulegt lyftiduft

100g Sukrin Gold

30g kókosolía, bragðlaus

1. msk vanillu extract

30g kókoshveiti

60g möndlumjöl

35g ósykrað kakó

Setjið rauðrófurnar í álpappír og bakið í ofni á 180 gráðum í 1 1/2 klukkustund eða þar til rófan er orðin mjúk og auðvelt er að afhýða hana. 

Látið rófuna kólna og setjið í blandara og maukið með smá vatni þar til orðið að mjúkri púrru.

Bolli af rauðrófupúrru er sett í skál ásamt bræddri kókosolíu, möndlumjólk, Sukrin Gold og vanillu extract og blandað vel saman.

Í annarri skál er þurrefnum blandað saman og svo er hráefnunum sameinað í einni skál.

Setjið í 20 cm silikonform og bakið á 175 gráðum í 20-25 mínútur. Kakan á að vera blaut í miðjunni.

 látið kólna áður en fjarlægð úr forminu annars er hætta á að hún detti í sundur.

Hafrastangir

Sumarið alveg að vera komið. Maður finnur að sólin er farin að ylja aðeins og maður vaknar ferskari á morgnana og fuglarnir farnir að syngja fyrir mann :)

Börnin halda áfram að stækka og það var pinu sjokk þegar ég fattaði það að ég er að fara ferma á næsta ári. Ég sem er sjálf nýfermd!

Og þegar maður á ágætlega stórt heimili þar sem báðir foreldrar eru útivinnandi og með stækkandi börn þá getur stundum verið erfitt fyrir yngsta meðliminn að haga sér vel og hlusta á foreldra sína.

Ekki misskilja mig. Yngsta barnið er jafn yndislegt og hin tvö en eftir skóladag og langa daga þá er stundum stutt í pirringin og á morgnana er erfitt að koma sér á fætur og í rútínu.

Í staðin fyrir að vera alltaf að skamma eða tala um neikvæða hegðun ákváðum við að útbúa umbunarkerfi.

Stelpan er mikið fyrir monster high og ákvað ég því að útbúa blað með þeim fígúrum.

Í sameiningu ákváðum við svo hvað það er sem hún vill fá stjörnu fyrir og ákvað hún sem dæmi að lesa heima, vera dugleg að vakna á morgnana og fara sofa með hreint herbergi eru hlutir sem hún vildi fá stjörnu fyrir. Svo var að ákveða hve margar stjörnur hún þyrfti að safna og hvað væri í verðlaun. Við ákváðum að í fyrstu þyrfti hún að safna 20 stjörnum og fengi eina dúkku fyrir.

En já langaði bara að sýna ykkur þetta. Poppaði upp í kollinn þegar ég var að setja niður þessa uppskrift þar sem hún er í miklu uppáhaldi hjá dótturinni, sem kom mér skemmtilega á óvart þar sem hún vill alls ekki borða hnetur en finnst heslihnetur í þessum stöngum mjög góðar ;)

Hafrastangir

140g haframjöl (ég notaði glútenfrítt)

55g hakkaðar heslihnetur

35g saxað sykurlaust súkkulaði

200g möndlusmjör

90g Fibersirup Gold

Blandið þurrefnunum saman í skál. Möndlusmjör og Fibersirup Gold svo bætt út í og blandað vel við.

Ég þrýsti deiginu niður í silikon brauðform og setti svo í kæli í ca 40-50 mín. Tók svo út og skar í lengjur. Geymist í kæli og er snilld til að hafa með þegar maður er á ferðinni ef litlir munnar vilja fá að borða.

Chili sulta

Eina ferðina enn komin helgi. Tíminn flýgur áfram og ég hef varla tíma til að láta mig hlakka til að komast í útilegu í sumar því ég er orðin svo spennt fyrir desember! Já ég er algjört jólabarn ;)

En ég neita ekki að sumarylur og birta er yndislegt þessar nokkrar vikur á ári sem við fáum.

Chili sultan mín er uppskrift sem ég ætla að fara gera og eiga þegar við förum í ferðalag. Ekkert jafnast á við það að vera í íslensku náttúrunni og geta gætt sér á góðum íslenskum ostum með góðri sultu.

Chili sulta

1 rauð paprika

2 rauð chili

80g sukrin gold

1/2 tsk xhantan gum

1/2-1dl hvítvín

Skerið papriku og chili niður í bita og fræhreinsið.

Ef þið viljið sterkari sultu má hafa fræin í.

Setjið í matvinnsluvél eða notið töfrasprota til að mauka.

Setjið í pott ásamt sukrin gold og hvítvíni og látið malla í 15 mínútur.

Blandið við xhantan gum í lokin og hrærið vel saman við sultuna svo hún þykkni.

Geymist í lokaðri krukku í kæli.

Heimilisbrauð

Á meðan ég fæ mig til að nenna að taka myndir og færa yfir í tölvuna og koma svo á bloggið er ég með eina af uppáhaldsbrauð uppskriftum mínum.

Auðvelt að útbúa og hrikalega gott með íslensku smjöri og góðri ostsneið :)

Fullt af góðum fræjum og orku og auðvelt að breyta til og prófa sig áfram með þessa uppskrift.

Heimilisbrauð Dísu

45g möndlumjöl

45g kókoshveiti

3tsk vínsteinslyftiduft eða venjulegt

5tsk Husk

30g chiafræ

35g hörfræ

60g sesamfræ

100g rifin ostur

4msk sýrður rjómi

4 egg

1dl heitt vatn

100g sólþurrkaðir tómatar

Bætið þurrefnunum saman í skál. Egg, ostur, sýrður rjómi og vatni bætt við og blandað vel saman.

Skerið tómatana í litla bita og bætið við deigið.

Setjið í silikon brauðform.

Stráið fræblöndu eftir smekk yfir brauðið ef þess er óskað og bakið á  180g í 50-60 mínútur eða þar til tannstöngull kemur hreinn úr miðju brauðsins.

Spínat pestó Dísu

Ég trúi því varla að það sé að koma páskar!

Finnst eins og ég sé nýbúin að taka niður jólin.

Tíminn flýgur áfram eins og alltaf en það sem skiptir máli er að geta notið stundarinnar.

Ég hef getað það heldur betur síðustu mánuði.

Satt að segja finnst mér ótrúlegt hvað lífið hefur breyst hjá mér.

Fyrir ári síðan var ég á fullu í endurhæfingu. Óvinnufær með öllu, gat ekki stundað líkamsrækt og hafði enga orku og já lífið var erfitt. Já það var virkilega erfitt að hafa enga orku, vera verkjaður og geta ekki unnið. Satt að segja bjóst ég ekki við að ég kæmist aftur út á vinnumarkaðinn.

Kannski var þetta líka alveg extra erfitt fyrir konu sem veit ekki hvað þolinmæði þýðir.

Oft var þetta eitt skref framá við og tvö, jafnvel þrjú afturá bak. 

Verst fannst mér sú tilhugsun að geta ekki unnið við það sem ég væri menntuð, sjúkraliðan. Enda er það starf sem virkilega tekur á líkama og sál.

Þannig að í dag finnst mér ótrúlegt að ég sé komin í 100% vinnu við menntun mína, stunda hreyfingu með og get sinnt heimili og börnum vel. Og kannski það besta við þetta er að ég geri þetta allt með bros á vör. Já lífið hefur heldur betur breyst á ekki meiri tíma en þessu.

Það sem ég hef kannski lært mest í endurhæfingunni er að taka hænuskref, ekki ætla mér of mikið í einu. Ég byrjaði fyrst í 50% starfi og fór svo að auka við mig. Svo kom hreyfinginn smátt og smátt og ef ég finn fyrir þreytu þá er í lagi að hvíla sig og láta þvottinn aðeins bíða eftir vinnu.

Maður kann svo mikið að meta þessu smáu hluti eins og að geta farið í vinnuna, göngutúr með fjölskyldunni og já þrifið heima hjá sér þegar maður hefur upplifað það hvernig það er að geta ekki gert þessa hluti.

En já, langaði bara aðeins að skrifa um þetta hjá mér :)

En um daginn ákvað ég að útbúa þetta dýrindis pestó úr því sem ég átti heima.

Það var mjög vinsælt hjá vinnufélögunum og ófáir búnir að fá uppskriftina hjá mér.

Myndin er ekki upp á marga fiska en ég lofa að bragðið er mjög gott :)

Spínat pestó Dísu

125g spínat (fjarlægi stilkana)

75g möndlur. Var með hýðið á mínum

100g fetaostur (notaði fetaostakubb frá MS)

60ml góð olífuolía

2 hvítlauksgeirar

pipar eftir smekk.

Setjið möndlur og spínat í matvinnsluvél og maukið vel saman.

Því næst er restinni af hráefninu sett út í og blandað.

Smakkið til með piparinn.

Pestóið er best þegar það hefur fengið að sitja aðeins í kælinum eða eftir ca. sólahring.

Svartbauna brownies

Vikan hálfnuð og styttist því í helgina. Aftur!

Ég reyndar sit núna í sófanum með fætur upp á skemli og passa að hreyfa ekki hægri fótinn of mikið.

Ég er snillingur þegar kemur að því að meiða mig.

Ég einhvern vegin náði að togna á vöðva (held allavega að það sé tognun, fer til doksa á eftir) á meðan ég sat í sófanum í gærkvöldi að horfa á fréttir. Stóð upp og gat ekki stigið í fótinn.

Var svo viss um að þetta myndi lagast í nótt en neibb, kona var eins og 100 ára og bað börnin að aðstoða sig að ná í hluti sem voru á gólfinu eða neðarlega í skúffum.

Ég er því heppinn að eiga þessar brownies í frystinum og geta fengið mér með rjóma.

Þegar þær koma heitar úr ofninum eru þær svoooo góðar og mjúkar. Þær eru ekkert verri kaldar og smakkast þá vel með rjóma og ferskum berjum.

Það er örugglega einhverjir sem gretta sig þegar þeir sjá orðið svartbaunir sett við hliðin á brownies en ég lofa, þetta virkar!

Reyndar er deigið svo gott og þykkt að það er alveg hægt að sleppa því að baka það og bera fram sem súkkulaðimús.

Svarbauna brownies.

1 dós svartar baunir

3 meðal stór egg

5 msk kókosolía (var með bragðlausa)

150g Sukrin Gold

55g ósykrað kakó

1,5tsk vanillu essence eða dropar

1/2tsk vínsteinslyftiduft eða glútenlaust lyftiduft

100g saxað sykurlaust súkkulaði (valfrjálst)
Ef þið viljið glúten og sykurlaust súkkulaði mæli ég með IQ súkkulaðinu.

Sigtið bauninar og skolið vel.

Setjið í blandara ásamt eggjum og blandið vel saman. Bætið við restinni af hráefnunum (fyrir utan súkkulaði) og blandið vel. 

Saxið súkkulaði niður og bætið út í og blandið með sleif.

Setjið bökunarpappír í eldfast mót, mitt var 20x28 cm og setjið deigið í.

Smyrjið því jafnt út og bakið á 180 gráður í 30-35 mínútur.

Innbökuð súkkulaðiplata

Kona var í miklu baksturstuði um helgina. Ég er enn í miklu baksturstuði en áður en ég baka meira þá er kannski best að setja inn uppskriftirnar af því sem er nú þegar búið er að mynda.

Innbökuð súkkulaðiplata, hljómar vel ekki satt?

Smakkaðist ekki verra, nýbakað og volgt og með bráðnu súkkulaði inn í. Namm!

Uppskrift.

150g rifin Mozzarella ostur

1 egg 

5msk Sukrin Gold

1msk Hnetumjöl frá Funktjonell

Bræðið ostin í potti á miðlungshita og passið að hræra vel í á meðan með sleif.

Þegar osturinn er bráðnaður takið af hellunni og bætið við eggi, mjöli og Sukrin Gold og blandið vel saman.

Það er smá þolinmæðisvinna að blanda þessu saman við ostin og gott að setja pottinn yfir heitu helluna til að hita ostin smá til að geta blandað öllu vel saman.

Rúllið út deiginu á milli tveggja bökunarpappírs arka

Setjið súkkulaðiplötuna í miðjuna.

Skerið með pizzuskera eða hníf með fram súkkulaðinu eins og á myndinni.

Fléttið deiginu saman utan um súkkulaðið.

Pennslið með pískuðu eggi og stráið heslihnetuflögum yfir.

Bakið á 200 gráðum í ca 15-18 mín eða þar til gyllt.

Borðið heitt/volgt ;)

Laukhringir

Í byrjun árs eru margir sem fara að huga að heilsusamlegri mataræði.

Ég er engin undantekning á því.

Ég er eins og svo margir aðrir, berst við það að halda jafnvægi í mataræði og hreyfingu.

Stundum gengur það alveg ótrúlega vel, sem er meirihluti ársins en svo koma tímar sem ég dett í sukkið. 

Þessi uppskrift af laukhringjum er mjög vinsæl hjá öllum á heimilinu.

1 laukur (stundum nota ég rauðlauk)

1 egg

möndlumjöl

hvítlaukssalt

pipar

3msk rifin parmesanostur

Skerið laukinn í sneiðar og losið hringina frá hvor öðrum.
Pískið eggið og kryddið blönduna örlítið með kryddi eftir smekk.

Setjið rifin parmesanost, möndlumjöl og hvítlauksalt í skál.
Setjið laukhringina í eggið og látið svo í möndlumjölið. Passið að möndlumjölið hylji allan laukinn.

Dreifið á bökunarpappír og passið að hringirnir liggi ekki ofan á hvor öðrum.

Bakið á 200 gráðum í 15-20 mínútur eða þar til gylltir.

Frábært snakk eða sem meðlæti. 

Súkkulaði chiagrautur

Ótrúlegt en satt, þá er árið 2016 komið.

Ég hreinlega veit ekki hvert tíminn flýgur.

Ég hef látið lítið fara fyrir mér í desember á blogginu. Það var ákvörðum sem ég ákvað með góðum fyrirvara að ég ætlaði að vera ekki að stressast í eldhúsinu heldur frekar að njóta mín upp í sófa með bók eða með börnunum að skreyta eða hafa kósý.

Ég ákvað líka að leyfa mér að borða það sem ég vildi í desember. Konfekt, ís og annað nammi sem innihélt sykur. Ég er pínu að finna fyrir því núna. Gigtarverkir slæmir í fingrum og fótleggjum, auk þess að nokkur aukakíló bættust í hópinn.

En þar sem þetta ver meðvituð ákvörðun er ég ekki að rakka mig niður fyrir þetta heldur hlakka frekar til að komast í hollustuna aftur.

Chiafræ eru vinsæl á mínu heimili og þessi grautur smakkast vel hvort sem það er morgunmatur, hádegismatur eða sem kvöldsnarl.

250 ml möndlumjólk

2tsk ósykrað kakó

1/2tsk vanillu dropar eða vanillu extract

1msk Sukrin Melis

3msk Chia fræ

Hakkaðar möndlur og kókosflögur eftir smekk, jafnvel 1/2 bolli af jarðarberjum.

Setjið möndlumjólk, kakó, vanilludropa og sukrin melis í blandara og blandið í nokkrar sekúndur. 

Setjið í skál og bætið við chia fræjum og látið standa í 10-15 mínútur.

Skerið jarðarber í bita og bætið út í ásamt möndlum og kókosflögum.

Geymið í kæli.