Síðasta færsla ársins.

Ég hugsa það sama á hverju ári: Ótrúlegt hvað tíminn er fljótur að líða!! Ég einhvern veginn finn það alltaf mest í lok desember. Desember mánuður hefur ekki farið mikið í að standa í eldhúsinu og ég er alveg sátt við það. Bloggið fór líka í gott jólafrí. Ég ákvað að vegna anna þá myndi ég leyfa mér að fá mér sykur og hveiti. Ekkert samviskubit eða mórall, heldur meðvituð ákvörðun um þetta. Ég hef líka fundið vel fyrir þessu. Sykurþokan hefur verið mikill og ég get því ekki beðið eftir að losna við kolvetnin aftur. 

Ég tók kannski aðeins of mikið á mig þennan desember mánuð en ég sé alls ekki eftir því. Bókin til styrktar UNICEF seldist fyrir meir en 700.000 kr og ég er afskaplega þakklát fyrir alla sem styrktu þetta verkefni. Það var ný jólastemming að sitja og handskrifa utan um meir en 600 umslög sem fóru víðsvegar um Ísland og erlendis einnig. Þið getið rétt ýmindað ykkur hvað hægt er að gera fyrir börnin á Filippseyjum fyrir þennan pening.

 Einnig byrjaði ég í nýrri vinnu korter fyrir jól bókstaflega. Ég er búin að snúast 180 gráður í atvinnu og komin á auglýsingastofu í hin ýmis verkefni. Það hefur tekið ansi mikið á að eiga eitt stykki lungnabólgu barn sem nælir sér í allskonar pestir og því kærkomið að fá vinnu sem ég get unnið að heiman og hvenær sem er sólahrings ef barnið ákveður að halda á sömu braut, en vonandi er hún að eldast úr þessu. Ég stefni svo á að halda áfram með bloggið og prófa mig áfram í eldhúsinu. Síðan komst í yfir 100.000 þúsund heimsóknir í lok nóvember og það finnst mér yndislegt. Það er kannski ekki neitt rosalega há tala en fyrir mig er hún ótrúleg :) Því er ekkert annað í stöðunni en að halda áfram að prófa sig áfram og leyfa ykkur að njóta með mér. Ég er alltaf með hundrað hugmyndir í hausnum sem vilja verða að veruleika og ætla ég að verða duglegri að prófa mig áfram með mat og aðeins að minnka sætinda baksturinn, ef ég get ;)

VINSÆLAST Á BLOGGINU

Það er gaman að skoða hvað af blogginu var vinsælast. Oft var það þannig að ég bjó eitthvað til og bjóst við að það myndi slá heldur betur í gegn og svo fékk það ekki þessa miklu athygli sem ég bjóst við. Einnig var það akkúrat öfugt. Bjó til eitthvað í flýti og bjóst við að fengi enga athygli og það varð mjög vinsælt.

Kladdkakan er sú sem stendur upp úr greinilega hjá lesendum bloggsins enda yndisleg kaka. Hún hentar við öll tækifæri, er fljótleg að útbúa og þarf ekki mikið af hráefnum.

Karamellu Fudge var eitt af því fyrsta sem ég bjó til sem var LKL vænt. Hef síðan þá gert fullt af mismunandi útgáfum og hver önnur betri. 

Sörurnar, já þær hafa heldur betur fengið athygli enda sörur heilagar hjá mörgum þegar kemur að jólum. Ég skal játa það að ég hef aldrei fyrr gert sörur fyrr en ég prófaði að búa til sykurlausar. Ég bjóst við að það yrði auðvelt en nei. Það tókst samt sem áður í þriðju eða fjórðu tilraun hjá mér.

Ef ég ætti svo að velja mitt uppáhalds hmmmm það er erfitt. Valið er á milli Jarðaberja Chia ís og Lakkrís ís og ég verð að velja......Lakkrís ísinn. Ohh hann var svo góður. Ef ég hefði ekki farið upp í rúm að horfa á sjónvarpsþætti í tölvunni allt gærkvöld og sofið til hádegis í dag hefði ég skellt í þennan ís en ég er í fríi og því er í eftirrétt fyrir mig, haldið ykkur og ekki fá áfall....Royal búðingur!! Já ég tek eldhúsfríið mitt alla leið ;) Enda er ég bara mennsk og ég ákvað að leyfa mér það sem ég vil í desember án þess að fá samviskubits.

Ég vil enda þetta á að þakka ykkur fyrir samfylgdina á árinu. Takk til ykkar sem nennið að fylgjast með mér og fyrir alla fallegu tölvupóstana og skilaboðin sem þið hafið sent mér. Þið eruð yndi. Eigið þið yndisleg áramót með þeim sem ykkur þykir vænt um og farið varlega. 

Knús og kossar

Hafdís Magn

Kryddbrauð

Jólabarnið inn í mér gleðst mikið yfir öllum snjónum sem er búið að príða Reykjavík síðustu daga og vonar að það haldist þar til eftir jól. Það er bara ekkert eins yndislegt og hvít jól og það hefur verið fátt um það í Reykjavíkinni síðustu ár.

Á sunnudaginn fagnaði ég nýjum tug og varð heil 30 ára. Dagurinn var frábær. Við börnin eyddum honum hjá foreldrum mínum í Kópavogi og höfðum það notalegt. Kvöldið hinsvegar varð ekki eins gott þar sem ég náði að bakka á eina bílinn sem var á bílastæðinu og skemma hann ágætlega. Ég kenni lélegri sjón og viðbröðgum vegna aldurs ;)

Bókin hefur gengið vel að selja og það fer dálítið af tíma í að skrifa á umslög og setja í póst. Þar sem ég er meira og minna ein í þessu og það að koma jól þá hef ég ekki getað verið að fara á hverjum degi á pósthúsið en það tekur tíma að skrifa um 600 umslög ;) En ég hef bara gaman af þessu og finnst frábært að fyrirtæki hafa veirið dugleg að kaupa bókina fyrir viðskiptavini og starfsfólk.

Vegna þess að jólaandinn er komin yfir mig langar mig að deila með ykkur einni uppskrift úr bókinni.

Kryddbrauð

3 egg

170 g rjómaostur

120 g smjör

65 g möndlumjöl

15 g kókoshveiti

40 g Fiberhusk

60 g Sukrin Gold

2 tsk vínsteinslyftiduft (eða venjulegt)

2 msk kanill

1/2 msk negull

1/2 msk engifer

(kanill, engifer, negull eftir smekk)

Bræða smjör. Smjör og rjómaostur pískað vel saman í skál. Í annarri skál er Sukrin Gold, stevíu og eggjum þeytt saman og svo bætt út í skálina með smjörinu og rjómaostinum. Þurrefnum blandað saman og síðan blandað við restina. Sett í brauðform og inn í 175 gráðu heitann ofn í 30-40 mínútur.

Graflaxsósa

Ég elska graflax og graflaxsósu. Það er samt ekki mörg ár síðan ég byrjaði að borða það enda var ég og er enn óttalegur gikkur. Ég grét pínu inn í mér þegar ég komst að þvi að það væri engin sykurlaus sósa og að graflaxinn væri með sykur í. En, svo fann ég  fyrirtæki sem bjó til fyrir mig graflax án sykurs og þá var bara að útbúa sína eigin graflaxasósu :)

Graflaxsósa

100 g majónes

1/2 msk sinnep

1-2 tsk dill

1 1/2 msk Sukrin Gold

3 msk sítrónusafi

5-7 dropar Via Health sítrónu dropar

Salt og pipar eftir smekk

Öllu blandað saman í litla skál og smakkað til :-)

Avocado franskar

Dagurinn í dag fór í afmæliskaffi fyrir ömmu mína og afa og svo að hoppa upp á skrifstofu hjá 23 og skrifa utan á nokkur hundruð umslög sem fara í póst á morgunn, já bókin fer í póst á morgunn Woop Woop :-)

Hinsvegar er ég búin að vera aðeins að brjóta heilan varðandi uppskriftir því Vikan bað mig um að vera matgæðingur hjá sér í Janúar og ætla að koma fyrir næstu helgi að taka myndir. Og þá er spurning hvað skal bjóða upp á!? Ég hef verið mikið að hugsa um avocado franskar og ákvað að prófa þær í kvöld og já!! Þetta er eitthvað sem fær að rata í Vikuna en ég bara gat ekki beðið með að setja þetta fyrir ykkur á bloggið!!

Avocado franskar

1 avocado

1 egg

kókoshveiti

rifin parmesan ostur

hvítlaukssalt

salt og pipar

Egg sett í skál og létt pískað með gaffli og krydd bætt út í eftir smekk. Avocado er skorið í lengjur og dýft ofan í egg-kókoshveiti-egg-parmesan. 

Sett á bökunarpappír og í ofn sem er 200 gráður í 10-15 mín eða þangað til osturinn er orðin gylltur.

Ídýfa

5 msk majones

3 msk fínsöxuð koriander

nokkrar tsk af sítrónusafa (eftir smekk)

Allt sett í skál og blandað með töfrasprota eða í blandara.

Dísu súpa

Á svona köldum dögum er yndislegt að fá sér heita súpu. Þessa geri ég alltaf reglulega ef ég á afgangs kjúkling eða hakk. Mæli aldrei neitt sérstaklega í hana heldur hendi í hana það sem til er og ég verð aldrei fyrir vonbrigðum.

Dísu súpa

1 dós af söxuðum tómötum.

1/2 líter af vatni

1 grænmetis eða kjúklinga teningur

Paprika, gulrætur, eða það grænmeti sem til er í kælinum.

2-4 hvítlauksgeirar

100 g rjómaostur

Basilika

salt og pipar

Vatn og matarteningur sett í pott og hitað. Tómatar og hvítlaukur bætt út og látið ná suðu.

Maukað með töfrasprota svo úr verður fín súpa. Smátt saxað rænmeti og afgangs kjöt sett út í ásamt rjómaosti og kryddum (eftis smekk) og látið malla í 15-20 mín.

Sett í skál og bætt við vel af rifnum osti út í ásamt ferskri steinselju.

mmmmm í alvöru hún er æði!. Það er hægt að minnka vatnið og hafa hana þykkri eða setja meira vatn og þynna hana (gott að krydda meir þá). Einnig hægt að setja grænmetið strax með ofan í með tómötunum og mauka. Hentar fyrir gikki eins og mig ;) Rifni osturinn verður æði og ég á núna alltaf tómata i dós upp í skáp just in case ég hendi í þessa súpu.

Lakkrís trufflur

Ég hef ekki haft mikinn tíma til að prófa eitthvað nýtt í eldhúsinu og blogga. Börnin hafa skipst á að vera veik. Emma er búin að vera meira og minna veik allan nóvember mánuð og loks í gær þegar hún var orðin vel hraust og tilbúin í leikskólann kom Alexander til mín rétt áður en við fórum út úr húsi og sagðist líða einhvað skringilega. Ég var mjög vond mamma og hélt að þetta væri miðjubarna syndrome. Systir hans búin að fá svo mikla athygli út af veikindum sínum og hann er aldrei veikur og hélt því að hann væri að reyna að plata til að eiga smá stund með móður sinni. Þegar hann sagði svo að hann væri með hausverk og ég mældi hann þá var hann klukkan átta að morgni með 39 stiga hita. Ó hvað mömmuhjartað fékk mikla samvisku að hafa haldið að hann væri ekki að segja satt. Man hreinlega ekki hvenær hann fékk hita síðast, allavega nokkur ár síðan. Þannig að mæta í vinnu var ekki á dagskrá, eina ferðina enn.

Bókin er komin á fullt í sölu og hefur gengið vel. Var að klára prentun núna klukkan tíu og þá er bara að við skytturnar þrjár (ég, Ágúst og Andrea sem eru með mér í þessu verkefni) setjumst niður og setjum bókina í umslag. Ég fékk að sjá loksins bókina í gær og flétta henni. Það sem hún er falleg :-) Svaf með hana á náttborðinu mínu.

En ætla að setja uppskrift af lakkrís trufflum. Ofur einfalt og sjúklega gott. 

Lakkrís trufflur

200 súkkulaði, 70%

1 1/2 dl rjómi

1-2 tsk lakkríspúður

Rjómi hitaður í potti. Tekið af hellu áður en rjóminn nær suðu og súkkulaði bætt út í. Hræra vel í rjóma og súkkulaði þar til alveg blandað. Bæta lakkríspúðri við og hræra vel saman við súkkulaðið.

Setja í sprautupoka og sprauta í lítil konfekt form eða setja í skál og geyma í kæli í klt og búa til litlar kúlur. Hægt að skreyta kúlurnar með söxuðum hnetum eða kakódufti. Ef sett í konfektform er gott að skreyta með smá klípu af salti eða chili.

Uppskriftarbæklingur fyrir jólin

Jæja þá er ýmislegt búið að vera í gangi hjá mér síðustu daga. Ég fékk þá flugu í hausinn hvort það væri nú ekki gaman að útbúa lítinn bækling. Hafði samband við vin minn í auglýsinga bransanum og spurði hvort það væri eitthvað idiot proof forrit á netinu sem ég gæti notað og dúllað mér við.

Neinei ég skal bara gera þetta var svarið! Maður með þrjú fyrirtæki og trilljón verkefni fyrir jólin. Við fórum að tala saman og eitt varð að öðru og nú er hann í þessum töluðu orðum að klára að hanna bæklinginn svo hann verði klár í prentun. Besta við þetta er samt það að engin peningur fer í þetta. Öll vinna er gefins og við ætlum að láta allan ágóðan renna óskertur til UNICEF Pilipseyja.

Það er mikil þörf núna fyrir því að koma uppbyggingu í gang og verna börnin þar.

Bæklingurinn mun kosta 990 kr og svo mun bætast einhverjar krónur við póstsendingu.

Það verða 15 uppskriftir í bæklingnum, bæði vinsælar sem hafa komið hér fram á blogginu og nýjar sem ég hef töfrað fram :)

Hér er smá sýnishorn

Pistasíu fudge

Vá hvað tíminn bara flýgur áfram. Reyndar endurtek ég þetta á þessum tíma á hverju ári. Finnst alltaf vera alveg að koma jól. Nú er smátt og smátt að gerast jólalegra hér í koti. Börnin búin að fá seríurnar sínar upp í glugga sína en það kostaði sitt. Lofaði í gærkvöldi að setja upp seríur, hoppaði niður í geymslu en.....engar seríur! Hvaða rugl er það! Leitaði og leitaði, kom upp og leitaði í öllum skápum og nei, engar seríur. Hringdi til Grænlands til að ath hvort grænlendingurinn minn vissi eitthvað af þessu.

En þessu var bara reddað með ferð í Rúmfatalagerinn og seríur komnar upp og ég neyddist til að kaupa meira jóladót í leiðinni því ég komst að því að ég á bara einn kassa af jóladóti. Það er engan vegin að virka.

Nauðsynlegt að eiga nóg af kertum og kertastjökum. Varð of skotin í hreindýra stakanum!

Pistasíu fudge

90 g smjör

5 msk sukrin gold

5 dl rjómi

6-8 dropar af vanillu eða karamellu Via-Healt stevíu

2 dl pistasíur

Allt nema hnetur sett í pott og látið malla á lægsta hita í ca 30 mín. Passa að hræra ekki of mikið. Rétt að hræra á tíu mínútna fresti. Saxa niður hnetur og setja í blönduna þegar hún er orðin þykk. Hrært saman og sett í form og í frysti í nokkra klukkutíma. Skorið í bita og geymt í ísskáp.

Fljótlegar Quest kökur

Svona má veðrið vera í vetur og helst allan jóla mánuðinn! Reykjavíkin var yndisleg í dag. Það var kalt jú en á meðan það er logn og svona fallegur snjór þá er þetta yndislegt. Og börnin, þeim finnst þetta ekki leiðinlegt. En á svona busy degi eins og þessum, vinna, fara með barn til að fá gleraugu (hvernig fór framhjá mér að tvö af börnum mínum eru hálfblind??) taka til í barnaherbergi hjá einu barni (þriggja tíma vinna), klæða börnin inn og út og þessi almennu þrif á heimilinu þá er maður ekki alltaf í stuði til að hræra í smákökur þó manni langi ógurlega mikið í. Því er þetta æðislegt á svona dögum.

Ég skoða mikið sænskar síður og Svíarnir eru duglegir að útbúa smákökur úr prótein stykkjum sem heita Quest Bars og ég búin að gráta í marga mánuði að geta ekki keypt þetta hér á landi og búin að vera við það að fá sænska ættingja til að kaupa og senda mér hingað heim. En! Haldiði að ég hafi bara ekki fundið þetta svo út í búð um daginn!!! Já, það sem Dísin var glöð :)

Quest bars er sykurlaust og lágkolvetna og því í fínu lagi að fá sér inn á milli. Ég á eftir að fjárfesta í fleiri tegundum og prófa þær líka.

Það aldeilis gaman í dag að komast aðeins út í snjóinn og dóttirin brosir allan hringinn eftir að hafa fengið gleraugun loksins en hún er búin að vera tuða í ár um að fá gleraugu eins og stóri bróðir. Lítið vissi ég að hún var ekkert að plata þegar hún sagðist vera "blind"

Kósýheitinn verða ekki meiri en þetta!!

Quest kökur

1 pakki af quest bar cookie dough

Skera súkkulaði stykkið í 5-6 jafna bita. Ég krem þetta aðeins niður og reyni að móta hring. Set á bökunarpappír og inn í ofn á 175 gráður í 7-10 mínútur.

Kom mér á óvart hve gott það er að búa til smákökur úr þessu :)

Súkkulaði og kókosmús

Af því það er komin helgi og margir sem vilja gæða sér á góðum eftirrétt, þá ákvað ég að henda þessari inn fyrir ykkur :)

Súkkulaðimús

25 g sukrin

3 eggja rauður

100 g 70% súkkulaði

200 ml rjómi

6-8 dropar Via-Health stevía original

Sykur og egg þeytt vel saman. Yfir heitu vatnsbaði er blandan hituð aðeins þar til hún fer að þykkjast.

Súkkulaði brætt yfir heitu vatnsbaði.

Rjómi þeyttur og eggjarauður og stevía blandað varlega við. Í lokin er brætt súkkulaði sett út í rjóman og blandað vel saman. Sett í form og inn í ísskáp eða frysti.

Kókosmús

80 ml rjómi

20 g sukrin

15 ml  rjómi(fyrir gelatín)

1/2 gelatín blað

8 dropar Via-Health stevía kókosbragð

50 g hreint jógúrt

Gelatín sett í vatnsbað og geymt í 5-10 mín.

Þeyta rjóma, stevíu og sukrin saman.

Gelatín er tekið úr vatni og kreist allan vökva úr og sett í pott ásamt 15 ml af rjóma. Hræra þar til uppleyst í rjómanum. Blanda við músina og í lokin er jógúrt bætt við.

Hægt að setja ofan á súkkulaðimúsina eða í sérskál og inn í frysti eða kæli.

Karamellu fyllt súkkulaði

Ég var með smá leik á facebook síðunni fyrir Dísukökur þar sem ég dró einn sem vann vörur. Þetta var ótrúlega skemmtilegt og núna í samstarfi við Via-Health Stevíu ætla ég að vera með annan leik.

Einhver sem langar að eignast kanill og karmellu stevíu? Glæný vara sem ég er búin að bíða spennt eftir og strax byrjuð að nota. Farið á facebook síðu Dísökökur og líkið við þessa mynd þar og kvittið undir hana til að eiga möguleika á að vinna þessar dúllur.

Súkkulaði er alltaf gott, alltaf en karamellu fyllt súkkulaði er enn betra. Hvað þá þegar hægt er að borða það með hreina samvisku með kertaljós og kósý sokkum :-)

Karamella

50 g smjör

1 dl rjómi

4-8 dropar Via-Health karmellu dropar

Smakka til hve sæta þið viljið karamelluna :-)

Smjör, rjómi og stevía sett í pott og sett á miðlungs hita. Þegar suða kemur upp er hellan stillt á lægsta hita og karamellan látin malla í 30-40 mín. Á cirka 10 mínútna frestir er gott að hræra rétt í karamellunni. Passa þarf að hræra ekki of mikið því þá getur hún skilið sig. Þegar komið er smá þykkt í karamelluna eftir 30-40 mín er hún tekin af hellunni og látin kólna.

Með súkkulaðið getið þið keypt ykkar uppáhalds súkkulaði og brætt yfir heitu vatnsbaði eða notað uppskriftina sem ég er með á síðunni með að klikka HÉR. 

Brætt súkkulaði er sett í form. Smá sett í botninn á forminu og svo pensla ég hliðarnar með súkkulaðinu líka. Gott að hafa smá þykkt í þessu. Set formið inn í kæli í 5 mín. Set karamelluna ofan í formið til hálfs eða eins mikið og hugur girnist en passa samt að það sé pláss til að setja í lokin súkkulaði yfir. Formið aftur sett inn í kæli í um 10 mín. Tekið úr kæli og sett súkkulaði sem fyllir formið út og aftur inn í kæli. 

Uppskriftin af karamellunni er nokkuð drjúg og því setti ég restina af henni í lítil form og í kælinn og þar komin með dýrindis karamellu. Einnig hægt að bæta við smá af söxuðum hnetum í afganginn og búa til hnetu karamellu.

Lax í gratín baði.

Kuldaboli bítur vel í kinnar núna og ég búin að draga fram þykka vetrasokka og eldhúsið tekur vel á móti mér fyrir baksturs dúllerí í dag. En ég ætla samt ekki að pósta núna uppskrift af sætu heldur af ótrúlega góðum fiskrétt sem ég eldað í vikunni fyrir fjölskylduna. Vildi óska að ég ætti lax svo ég gæti skellt í þennan aftur núna og borðað ein með tónlist og kertaljósi því ég myndi hreinlega ekki tíma að bjóða með mér.

Lax

1 kg af laxa flaki beinlausum

1 stór laukur

70 g majones

2 msk sítróna eða lime safi

1/2-1 msk dijon sinnep

2 hvítlauksgeirar

50 g fínt rifin parmesan ostur

1/2 bolli rifin mozzarella ostur

salt og pipar eftir smekk.

Hita ofninn í 200 gráður.

Setja lax á bökunarpappír og salta og pipra eftir smekk. Skera lauk í þunnar sneiðar og dreifa á fiskinn.

 Blanda saman í skál sítrónu safa, mæjónes, hvítlauk og sinnep. Dreifa yfir fiskinn.

Rifnum osti dreift yfir 

Inn í ofn í 15-18 mín

Borið fram með blómkálsmús

Cake pops

Þið eruð nú meiri krúttbomburnar :-) Takk fyrir hjálpina í dag með að koma síðunni á framfæri og eignast fleiri læk. Já ég verð alveg rosalega gráðug á like fyrir facebook síðuna mína.

En ég lofaði cake pops og ég stend við mín loforð.

Cake pops

2 eggja rauður (má líka vera heil egg)

100 g smjör

80 g súkkulaði 70% eða hærra

1 dl rjómi

4 msk sukrin

6-8 dropar Via-Health stevía súkkulaði

6-8 dropar Via-Health stevía vanillu

Eggja rauður, stevía og sukrin þeytt saman.

Smjör og súkkulaði brætt í potti og blandað vel saman. Bæta rjómann út í og hræra saman við. Eggjarauður bætt varlega út í.

Sett í ofn sem er 180 g heitur í ca 15-20 mín.  Leyfa kökunni að kólna og nota svo gaffall til að rífa hana í sundur og setja í skál.

Smjörkrem

1 dl sukrin melis

2 eggjarauður

80 g mjúkt smjör

6-8 dropar Via-Healt stevía original

2-4 tsk kakóduft (eftir hversu mikið kakóbragð er óskað eftir)

Smjör, sukrin melis og rauðum þeytt vel saman og svo er stevíu dropum og kakódufti bætt við.

Blanda kreminu vel við kökuna og kæla í klt.

Búa til litlar kúlur og setja í frysti í ca 10-15 mínútur.

Bræða súkkulaði í vatnsbaði og dýfa kökukúlunum í súkkulaðið til að húða það. Hægt er að setja kúlurnar á nammi pinna sem fæst meðal annars í allt í köku eða setja þær í lítil muffinsform eins og ég gerði.

Skreyta kökurnar með salti, hnetum, smá chili, sukrin sem búið er að lita með smá matarlit, endalausir möguleikar :-)

Marokkóskur Kjúklingur

Þegar það er svona "yndislegt" vetraveður úti og kuldin nístir inn að beinum þá er gott að fá smá hita og sól í hjartað í gegnum matreiðslu. Fyrir nokkrum árum síðan fórum við hjónin í dagsferð til Marokkó. Þar fengum við dýrindis hádegismat í fornri höll og.....já ég eiginlega get bara ekki lýst matnum og tilfinningunni sem ég upplifði þarna. Ég á því miður ekki tagine pott til að elda í en það er hefðbundinn pottur í matreiðslu í marokkó en það er hægt að redda sér :)

Marokkóskur Kjúklingur

6-8 stk af kjúklingabitum á beini

3 msk olive olía

2 rauðlaukar

3 hvítlauksgeirar

1 tsk kanill

1/2 tsk salt

3 msk lime safi

2 msk fínsöxus steinselja

 saxað kóriander

2 msk engifer

1/2 tsk saffran í smá heitu vatni

3 msk af ólifum

Hita pönnu á meðalhita og bæta við olíu. Skera laukinn í þunnar sneiðar og dreifa á á pönnuna

Mauka hvítlauk og dreifa yfir laukinn ásamt salti, engifer, saffron með vatninu, kanill og lime safanum.

Koriander og steinselja svo dreift yfir allt.

Kjúklingur sett ofan á allt og bætt er við 170 ml af vatni. (Ég var með bringubita á beinum og sneri kjötinu niður.) Ólifur settar með og lokið sett á og þetta látið malla í ca 45 mínútur eða þar til kjúklingurinn er eldaður í gegn.

Í raun er þetta svo auðveldur réttur að útbúa og lyktin í eldhúsinu ohhhh já hún var heldur betur lokkandi. Bragðið var yndislegt. Sæti laukurinn kom svo vel í gegnum og kanillinn mmmm já þetta var bara æði.

Engin sósa er þörf með en ef þið viljið endilega sósu myndi ég mæla með grískri jógúrt með smá lime safa og hvítlauki. Blómkálsgrjón eru líka góð með.

Spínat pestó

Er þetta nokkuð orðið vandræðalegt, hvað ég pósta mörgum uppskriftum þessa daganna? Stundum er bara svo gott að standa í eldhúsinu og prófa nýja hluti og gleyma öllu öðru :-) Ég veit að ég póstaði bara í gær uppskrift en það er beðið eftir þessari svo ég ætla að henda henni inn snöggvast.

Átti fullan poka af spínati sem var að fara renna út og ákvað að googla hvað gæti verið hægt að gera og fann fullt af spennandi uppskriftum, en ákvað að prófa að gera spínat pestó uppskrift sem ég fann.

Spínat pestó

2 bollar ferskt spínat

1/2 bolli fersk steinselja

1/2 bolli valhentur

1/4-1/2 bolli rifin parmesan (var sjálf með hálfan)

3 hvítlauksgeirar

2 msk olía

salt og pipar eftir smekk.

Þar sem spínat hefur ekki sama sætleika og basilíka þá er hægt að bæta örfáum dropum af vanillu stevía. Prófið ykkur bara áfram.

Pestóið er frábært á hrökkbrauð, rista brauð eða á pizzubotninn.

Allt sett í matvinnsluvél þar til orðið að góðu mauki. Mitt var gróft því mér finnst gott að finna fyrir hentunum og fá smá chruncy áferð.

Geymist í nokkrar vikur i ísskáp segir á síðunni sem ég fann þessa.

Marsipan dropar

Halló halló!

Eru þið búin að sjá nýja og flotta lénið mitt? Jahh væntanlega, annars væru þið ekki hér inná ;-)

Elsku vinur minn hann Ágúst hafði samband við mig fyrr í vikunni og sagði að fyrirtæki sitt

 23 auglýsingastofa vildi gefa mér lénið disukokur.is ! Ég var nú ekki lengi að segja já og er ofur ánægð að vera komin með mitt eigið lén. (ég sem vissi ekki hvað lén var á sunnudaginn hehe)

Nú er mun auðveldara að pikka inn heimasíðuna og líka að muna hana. Ég sjálf lenti oft í því að skrifa vitlaust, meina þetta blessa blogspot kom oft vitlaust af lyklaborðinu :-)

Það er æðislegt að sjá hvað bloggið fær mikla athygli og án djóks er þetta aðalhobbýið mitt þessa daga.

 U know, grasekkja og allt sem kemst aldrei úr húsi ;-) 

En í dag helltist yfir mig smá bökunargleði. Svo sem ekki mikill bakstur í kringum þetta en sólin skein og ég elska að taka myndir þegar sólin skín. Þá verða þær bara miklu betri hjá mér og maður verður alltaf reyndari með myndavélina í hendinni.

Ég fann þessa uppskrift á netinu, á Sukrin síðunni fyrir svolitlu og langaði alltaf að prófa svo það var bara hoppað í það í dag.

Marsipan dropar

90 g möndlumjöl funkjonell (verður að vera það)

60 g sukrin melis

2 eggjahvítur

6-10 dropar Via-Health vanilludropar

Einnig hægt að setja annað bragð eins og súkkulaði eða piparmyntu.

Smakkið deigið líka til. Misjafnt hversu sætt fólk vill hafa þetta en þetta er ekta marsipan konfekt :)

Allt sett í skál og blandað saman. Best að hnoða þetta bara í höndunum þar til orðið að deigkúlu. Setja í kæli í 15 mínútur og svo búa til litlar kúlur. Hægt að skreyta með smá bráðnu súkkulaði.

Smá myndasyrpa :-)